محاورتي مع الشاعر مرزوق الهضبي

26-06-10, 06:58 PM

بخيتان البشري=
سلام الله على اللي ماحسب لطيبين حساب=ولا ياعزتي للـي كتبهـا قبـل يقراهـا
يفتش بقشته ينثر زاهابه سـد ذاك البـاب=مسكها مير ما يعرف يوجهها لمجراهـا
مرزوق الهضبي=
بعد خصيت ماعميت ياذيب / ن / على المرقاب=هلا يامرحبـا بـك بـأول الهرجـه وبتلاهـا
أنا شفت الحروف اللي تعجّـل دونهـا الكتّـاب=ولكن هذي حروف / ن / وسيع العرف يمحاها
بخيتان البشري=
لعلك للبقاء يامن حضر ما همنا من غاب=قِرانا بالوفاء لأهل الوفاء يمشي مع قراها
لكم وزعة لكم قيمة لكم مقدار يالأصحاب=وذاك الآدمي ما هم خلق الله ولا اشقاها
مرزوق الهضبي=
عليك الهون يارجال لاتزعـل ولاترتـاب=وخلق الله في هالكون منه يدرك ارضاهـا
يقولون الشعر غبة بحر ماتروي الشـرّاب" =واقول الشعر غبه من طفح عنها تعداها "
بخيتان البشري=
أنا ظني على ظنك وظنك فالعميـل عتـاب=مادام الدار واحد دلتـه يـا كيـف يكفاهـا
أنا فالدرب مالفيت ياذيـب /ن/يسـد البـاب=وردت الجمة وصدرت راوي من عذب ماها
مرزوق الهضبي=
أشوف السوس فوق الضرس وعيونه تقز الناب=وهذي مشكله نبغـى الحكيـم يعجـل دواهـا
ليا منك شرهت اشره على العرّيف والشيـاب=تجارب والتجارب مصدر الحكمـه ومأواهـا
بخيتان البشري=
والا ياذيب صوتك لا عوى تصحى عليه ذياب=ذياب / ن / لا سرت ياصاحبي ماخاب مسراها
دخيلك لا تلحقهـا بعضهـا والرجـال اللبـاب=وكل /ن/حسب عرفه هرجتـه لنّـاس يقداهـا
مرزوق الهضبي=
ترى مهد الذهب لولا الذهب مايلفت الأغراب=نجوب الارض من شان المعادن لين نلقاهـا
ترانا صف واحد فالمواقف لانكون أحـزاب=نقف فالصف لو الجسم نوب تجيـه حماهـا
بخيتان البشري=
درينا وانت تدري للقصر دايم تساق ركاب=وراع القصر كمل واجبه من يوم حياهـا
مدام الدرب واحد ياعميلي مالنا مجنـاب=حضرنا المؤتمر والكل صوّت يرفع بناها