سلام رديه كما الحد الرهيف

ياجماعه ماشفتم عبدالله الفريدي عسى المانع خير

شعارنا الاعزاء الله يعطيكم الصحه والعافيه وافين
كملتم وجملتم

بيض الله وجيهكم وصح الله السنتكم

ابداااع راااائع

الله يعطيكم العافيه

تقبلوا تحياتي

عافاك الله يامحمد البدراني ماقصرت تشرفت باللعب معك والهدف الوناسة والفائدة

ذيب العاقر

بن خير الله

صحت ابدانكم وقلوبكم وبيض الله اوجيهكم على الحضور

	المشاركة الأصلية كتبت بواسطة عبدالله الفريدي

	عافاك الله يامحمد البدراني ماقصرت تشرفت باللعب معك والهدف الوناسة والفائدة ذيب العاقر بن خير الله صحت ابدانكم وقلوبكم وبيض الله اوجيهكم على الحضور

اخوي عبدالله الفريدي ماقصرت والهدف على ماقلت الوناسه ولا مافيه هدف ثاني وعلى راحتك ياطويل العمر اما لنسبه للبيوت المحاوره انا احب المحاوره الحماسيه لان المحاوره اذا صارت ماهي حماسيه ولافيه دفن معاني مافيها فائده وانا ليس من الذي يجيدون دفن المعنى وعلى كذا اميل للمحاورة الحماسيه وليس مثل بعض الشعراء يدعي انه يدفن المعنى ودفن المعنى صعب لابد في طريقه مدورسه ويوظف توضيف صحيح مئه بالمئه ولايبتعد علىدفن المعنى لك شكري والتقدير والمعذره منك ومن بقية الاخوان اذا فهمتم المحاورة بطريقة اخرى

صح السنتكم و بيض الله وجيهكم

جميع

محمد عويض البدراني=
سلام رديه كما الحد الرهيف سيفاً يشيل الراس من فوق المتـون=واللي يخاف من المعارك والسيوف يجلس بعيد ولايجي للمعركـه
نصاً من الشعار على جال الرصيف والنص الاخر كن ماعنده عيون =عينه كبيره مير فيها مايشوف كثر حساسه ميـر مافيـه ابركـه
عبدالله الفريدي =
يامرحبا تطلع من القلب النظيف اقولهـا واهـل المعرفـه يسمعـون =زوار والشعار واتعـم الضيـوف مثـل ظـلام الليـل كـلٍ تدركـه
وش رايك انحطك على القلطة عريف وتحاسب اللي يدخلون ويطلعون=والشاعر المخطي يعشينا خروف واللي يبا يرفـع خشيمـه تفركـه
محمد عويض البدراني=
كلً يقول انه على المعنى وصيف وألا البطوله مااحدن منهـا يمـون=حامض عنب ويقول جعله بالذلوف درب الوعر صعباً والااحدن يسلكه
متحيزماً بحزام بندق يا شريف والا تبي تطيـح معهـم بالصحـون=بعض البشر تعبه ماهو بمخلوف واللي زعل يدخل براسـه بشركـه
عبدالله الفريدي=
يطامر الجرفان سترك يالطيف هو خبل والا فيه مس امن الجنون=الاوله قلنا علشانه تطوف والظاهـر انـه بـس لجـه وادبكـه
نبا التصرف منك يامضحي عنيف لاترحم الي يلعبون ويقطعون=قبل اكثر الشعار يلجأ للعزوف القسـم أمانـة ياولـد لاتتركـه
محمد عويض البدراني=
لاتعترض للرمي في جنباً رهيف سوق الغلا ماطب فيه الا الزبون=قدام لانطردك تسكن بالكهوف وشـردك مـن منزلـك ماتملكـه
أنته عن الشعار نائب يامنيف طلعت راسك مير ماعندك قـرون=تصيح لهم وقت الصعايب والظروف والزمل كلً ثاوياً في مبركه