جميع اسرار واختصارات البلاك بيري * بولد * كيرف

السلام عليكم ورحمة الله وبركاته

اخواني واخواتي الكرام تحياتي لكم جميعا وكل عام وانتم بخير
اليوم ، وبمناسبة ذكرى اليوم الوطني ( للمملكة العربية السعودية ) حبيت ان اشارك في فرحة الشعوب بهذا الموضوع ( والله تعالى الموفق )
الموضوع هو جميع اختصارات للبلاك بيري * بولد * كيرف
جميع أسرار و اختصارات البلاك بيري واسراره - بولد - كيرف
أول شي نبدأ ببعض الأمور البسطة
تبي تعرف رقم الpin حقك بسرعه ؟
اكتب كلمة دبوسي في أي محادثة وبعدين مسافة يطلع لك رقم البيبي..
تبي تتنقل بين جهات الاتصال والمحادثات بسرعه بدون ماتمر على المحادثات اللي انت فاتحها ؟
اضغط مسافه وانت فاتح البلاكبيري ماسنجر..
تبي تعرف الشخص قرى رسالتك أو لا ؟
اذا طلع علامة صح وحرف الـ R يعني قراها
اذا طلع علامة صح وحرف الـ D يعني الشخص ماقراها لاتزعجه تقول رد
كيفة الانتقال من صورة الى اخري بـ (الوسائط )
اضغط على حرف (n) >> للانتقال الى التالي
اضغط على حرف ( p ) >>للرجوع الى السابق
إذا لمبة الجوال حمراء يعني عندك رسالة بلاك بيري مسن
إذا لمبة الجوال صفراء البطارية ضعيفة
اذا لمبة الجوال زرقاء عندك رسالة بلوتوث
طريقة البرودكاست
أولا البرودكاست وتعريفه :
انك ترسل رسالة أو كلام لجميع جهات الاتصال عندك بالجوال
أفضل طرق الاستعمال له :
ترسل نكت او اذكار او تسبيح اهم شي فكونا من برب وتيت وجالس اتعشى و ابي انتحر
طريقة عمل برودكاست :
أولا تدخل على قائمة البلاك بيري ماسنجر
بعدين نضغط على علامة بلاك بيري ويفتح لنا قائمة خيارات
نختار كلمة برودكاست مسج بالانجليزي هي طبعا
في الخانة المربعة نكتب اللي نبي
ونختار select all ونضغط عليها ويطلع صح على جميع جهات الاتصال
بامكانك تشيل الصح من البعض اللي ماتبيهم يشوفون ايش كاتب
بعدين نختار send وتمت العملية بنجااح..
طريقة اضافة جهة كونتاكت بالبيبي ماسنجر الاصدار الجديد انجليزي:
نفتح قائمة البلاك بيري مسن ويطلع لنا جهات الاتصال
نضغط علامة بلاك بيري ماسنجر
نختار كلمة انفايت كونتاكت
يفتح لنا خيارين نختار الاول
تجي تكتب رقم البيبي ماسنجر وبعدين send
طريقة تغيير الخلفية:
نروح الوسائط - ندخل الصور - نفتح اي صورة - نضغط علامة بلاك بيري ماسنجر -
اختيار كشاشة رئيسية او كخلفيه رئيسية
كيف تخلي اسمك او عباره ذكرة الله على desktop
تروح
1- خيارات
2- المالك ..
وحط العباره مع تقفيل الجهاز ..
بيطلع اسمك او عبارتك ع الشاشه
إختصارات : إستخدام أزارير الكيبورد بدل شبكة الأيقونات
يجب أولاً عمل الخطوة التالية :
نقوم بالضغط على زر الاتصال باللون الاخضر بعدين ندخل قائمة البلاك بيري اللي جنبها على طول ونبحث عن كلمة Options بعدين نختار General Options
وننزل تحت عند السطر المكتوب عنده Dial From Home Screen نقوم بتغييرها الي NO وبعدين نطلع من القائمه ونقوم بحفظ التغييرات اللي عدلناها ونقوم بالخروج حتى يظهر لنا سطح المكتب او الشاشه الرئيسيه للجهاز
الآن نشوف وش الاختصارات اللتي حدثت عندنا ونستطيع ان ندخل اي خيار بضغطة زرار
بدل ما نستخدم الفاره بالدخول للقوائم وبذلك نقلل من استخدامه ونطيل فترة عملها
-اذا حبينا مثلا انا نخش المسجات بس نضغط علي M
w= الاشارات المرجعية
t = قائمة المهمات
u = الآلة الحاسبة
p = المكالمات الأخيرة
-اذا بغينا التقويم حرف L
-اذا بغينا الخيارات حرف O
-اذا بغينا دفتر العناوين الادرس بوك حرف A
-اذا بغينا البحث نضغط حرف S
-اذا بغينا قفل الجهاز بحيث ما بفتح معانا بالغلط حرف K
-اذا بغينا تصفح حرف B
-اذا بغينا حفظ النصوص او كتابتها TASK حرف T
طريقة تغيير الصورة او الاسم او الحالة او البيرسونال مسج:
ندخل قائمة بلاك بيري ماسنجر
نختار كلمة ماي بروفايل اوتطلع بالكوره او الماوس لين توصل لصورتك ونكك بعدين ترعص الماوس
تختارون اللي تبون اما النك نيم او البيرسونال او الصورة وبالنسبه للصوره ترعص عليها وتحط الخشه اللي تبيها اقتصاص وحفظ ..
طريقه زيادة سرعه *الماوس-الحساس*:
يشتكون من بطىء الحركه او الصوت اللي يطلع عند تدوير الكوره و غيره تغير نوع الخط و حجمه ..
هذي الطريقة راح تفيدكم
تعديل نوع وحجم الخط - التحكم بسرعة الكرة او الحساس - صوت الكرة او الحساس
اول شي :
تدخلون على Options ( خيارات ) وبعدين screen/keyboard ( شاشة / لوحة مفاتيح )
وراح تطلعلكم خيارات كثيرة ومنها تغيير نوع وحجم الخط ..
ثاني شي :
تحت بتلقون مكتوب trackball ( كرة التعقب ) وتحط السرعه الي تبوونها
وثالث شي :
فيه audible roll ( دحرجة مسموعة ) هذي تخلي الكرة او الحساس بصوت
عشان نغير الوضعيه حقتنا بدون استخدام الدويره :
نضغط على البروفايل و نحط أول حرف من اللي نبيه
يعني مثلا نضغط Q ويجي الاختيار على quiet
او نضغط L ويجي الاختيار على lou
للتنقل بالمحادثه بأستخدام الكيبورد ..
نضغط ( T ) ويودينا لفوق أول المحادثه
نضغط ( B ) و ينزلنا لأخر شي بالمحادثه ..
نضغط ( R ) و يودينا على مكان الكتابه ..
- لتحويل المكالمات والانتظار ومنع المكالمات ... " لجميع خيارات المكالمات والجوال "
نضغط ( السماعه الخضراء ) ثم اضغط مرة أخرى علامة البي بي
> جديد
> استبدال ( وتضع هنا الرمز المختصر )
> بواسطة ( وتضع هنا العبارة الطويلة أو الرمز التعبيري )
> حفظ .
2) بإمكانكم الآن التخلص من مشكلة ظهور بعض الكلمات التي تظهر معكوسة
( مثل إذا كتبت اني صارت اين أو أم تصير ما )
وذلك من خلال حذفها من النصوص التلقائية :
نص تلقائي
> وضع المؤشر على الاختصار غير المطلوب
> حذف
ثلاث شغلات من الكيبورد:
1-ضغطة قصيرة على أي حرف يفتح لك مفكرة الأسماء على الحرف نفسه
( انتبه لا تطيل الضغط حتى لا يجري اتصال سريع )
2- ضغطة طويلة على زر حرف ( # ) = ( a ) يغلق الأزرار أيضاً بدل الزر الأعلى .
3- ضغطة طويلة على زر الحرف ( * ) = ( q ) يحول الجهاز إلى الهزاز بدل النغمة .
طريقة ظهور أعلام الدول :
تحط الكيبورد عالإنجليزي ..
وبعدين تكتب بين نجمتين رمز الدولة :
مثال لعلم السعودية :
*sa*
للي عنده الجهاز يعلق او بعد فتره يصير بطيئ الجهاز و يعلق:
عباره انك تسوي clear log عشان تساعد الجهاز يصير اسرع
الطريقه:
تعلق على زر alt
و تكتب هالاحرف من اليسار لليمين
G L G L G
بتجيك شاشه Event Log ( warning)
اضغط على زر menu
و اختار
clear log
هذا بينظف log و تزيد من سرعه استجابه الجوال
هذه طريقه لتغير اشاره الشبكه من أبراج أو شخوط. إلا نسب مؤيه :إستمر بالضغط على aIt وأضغط هذه الحروف بالترتيب N/M/L/L
أبدأ من N
ليه مايطلع الصور !!
السبب هو البلاك بيري مسنجر الجديد
اللي هي Display Pic بالـ BBM
تحذف البلاك بيري مسنجر من جهـازك نهائياً والطريقة :
Option
Advanced Options
Applications
تختار البلاك بيري مسنجر ثم تضغط على الـ BB وتسوي ديليت
بعدين تجي وتحمل البلاك بيري مسنجر ، راح تطلع لك الصور

اخوي رابح

مشكووووووور ويعافيكـ ربي

بيض الله وجهك لاعدمناكـ

	عزيزي ابو نواف رابح الجحدلي الله يعطيك العاافيه بيض الله وجهك انت كفو __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

لاهنت يابو نواف على المعلومات المفيده
إختصارات : إستخدام أزارير الكيبورد بدل شبكة الأيقونات
يجب أولاً عمل الخطوة التالية :
نقوم بالضغط على زر الاتصال باللون الاخضر بعدين ندخل قائمة البلاك بيري اللي جنبها على طول ونبحث عن كلمة Options بعدين نختار General Options
وننزل تحت عند السطر المكتوب عنده Dial From Home Screen نقوم بتغييرها الي NO وبعدين نطلع من القائمه ونقوم بحفظ التغييرات اللي عدلناها ونقوم بالخروج حتى يظهر لنا سطح المكتب او الشاشه الرئيسيه للجهاز
غير موجوده في الخيارات Options
التعليق على زر الات غير مجدي مايطلع شي ليت توضح

الله يـعـطـيـكم الـعـافيـــــــــــة على المرور
بيض الله وجيهكم
ومشكور على الاضافه يابن العم

طرح موفق
الله يعطيك العافيه ..~