وقفت وقفة المهره بالعين تنظر الخيال

السلام عليكم ورحمة الله وبركاته


لعيونكم الغالية قصيدتي الجديدة , ولتقديري لمنتدى ملتقى قبيلة حرب كان هو المنتدى الاول الذي تطرح به

الله لو تدري عن اللي مشغل ياهواي البال=تجي لو كنت في اخر الدنياوقاصيها
العمر واحد ياحياتي مايوازيه المال=ضيعت عمرك بالغربه واحلى ايامك ماضيها
انا انتظرتك تجي وبعيني بارق الامال=والدمع من عيني يحجب الفرحه ويغطيها
ضاعت امانينا مابين الوصل والمرسال=وصارت تحكم اللقيا عذالنا واعاديها
وقفت وقفة المهره بالعين تنظر الخيال=انا كلي شعور احساس هيا ان كنت تغليها
ان كنت فارس المهره ولصادق حبنا ميال=وش تنتظر هيا قلي مشاعرك ليه تخفيها
الناس قالت صلب الراي الاسم والفعل رجال=لك الله ماحبيتك لو كنت شاككه فيها
صراحه قلتها والحب تمكن خافقي قتال=لكن الصراحه راحه للي مثلي الكل شاريها
يهمني من حبني يكون كفو للاحمال=وانته جبل مايهزك من الرياح عاتيها
انته فخري انته عزي عيونك مسكن ومنزال=وانا احفظ سمعتك ياتاج راسي ماوطيها