ديوان كسرات الشاعر / عبدالرحمن مساعد بن شريان الجحدلي ( الذراع )

قال الشاعر / فارس خليل بن مرشد الصاعدي

مدري متى ذا الاسى ينزاح=ولا زالت جروحنا تكبر
عطني بصيره عشان ارتاح=كذاب لو قلتلك بصبر

قلت له

المشتكي من أسى و جراح=لازم عن اسبابها يخبر
جرح الأسى ينجبر بإصلاح=مادام كسر العظم يجبر

فارس

جرحين منها ضميري باح=لاقبل خياله معي وادبر
طرياه في خافقي ماراح=ويلاه مالي عنه معبر

عبدالرحمن

سانف مع المد و الأرياح=سايس مع الموج لا كبّر
يغديبك الحال يا سبّاح=إن كان ما جيت فوق البر

قلت لفارس

أيامنا من نهار و ليل=الحر و البرد عادتها
والناس في عدلها و الميل=خاب الأمل في سياستها

فارس

ما عاش من يطفي القنديل=علتك عندي افادتها
لا تلتفت للجدي وسهيل=الناس صعبه قناعتها

قلت

من بعض الأجناس ذقت الويل=مثل الثعابين لدغتها
تغريك بالزين والتبجيل=بس الغدر من طبيعتها

فارس

مثلك ما يتبع ردي الجيل=امثالك الطيب غايتها
وان مال بعض البشر لا تميل=دنيا دنيه حقيقتها

قلت

يا طالب الهندسه تكميل=اشفيت نفسي و حالتها
عن الرفيق الردي باحيل=نفسي عزيزه كرامتها

قال الشاعر المعروف / عويدات بن محمد

قد ما شكرتك انا ماوفيك=يافن زايد على فني
انا اشهد ان الشهامة فيك=من أصل طيّب يواصلني
ياساس من معدنك صافيك=اطلب من الله يجملّني
شفت السعادة وانا اراعيك=في ليلة الأنس شايلني

و رديت له :

وانعم عويدات من ماضيك=ميقافكم ما يخجّلني
وفاك جاني قبل لاجيك=في كل واجب توجبّني
الطيب مقرون مع طاريك=دايم على العز سابقني
لازم فوقت اللقا نحميك=عسمي ولازمك يلزمني

رد عويدات :

ماخاب من جاك مترجّيك=يابن شريّان صدّقني
الخال والد ونا بناخيك=بين الخلايق تنومسني
ياشاد عضدي ونا شاريك=ياللي بفعلك تشرّفني
من نسل طيّب سبق وافيك=بالفعل ماهو فضل منّي

أيضاً قال ابو احمد :

ابغى إفادة من مجرب =من هاجسٍ فالفؤاد يلوج
لايوم فيه الرجا قرّب=امشي عدل و الليالي عوج

رديت له :

حصّن فؤادك بذكر الرب=يا شاكي الحب و العمهوج
كل يوم حث الخطا فالدرب=زيد الصبر و الصعاب تموج

انتقل عملي من رابغ إلى مهد الذهب و قلت :

يا ناس اقبل علينا العيد = واستبشروبه جميع الخلق
من بعد قرب الأهل والسيد = تركت رابغ نحيت الشرق

رد عبدالله حميّد الغانمي

مصيبة البعد بالتأكيد = تــذبــح ونــيــرانــها تحرق
عنوانها دايما ً تـنـهيد = وانا في هذا الأمر لي سبق

رد أحمد محمد صالح بن عاقل الغانمي :

دنياك ماهى على ماتريد=فيامها والليالى فرق
وجدى وجود الذى فالبيد=لاشح وبل الحياء والبرق

رد فيصل محمد صالح بن عاقل الغانمي وفقه الله :

سمعت طور الحنين يزيد=يامشتكي باللحن والطرق
ان كان تشكي فراق العيد= انا زماني سرقني سرق

قال الشاعر/ محمد حسين بن مطيع

سلام والصمد شاللي فيه=أمان ولا جهاد وحرب
أول ملك كان متوليه=واليوم عنه انتحى للغرب

رد عبدالرحمن مساعد

ترحيب مني على طاريه=تقدير من خاطري والقلب
ان غاب مالك يجي واليه=للعز نمشي على كل درب

بن مطيع

عسى البقا طيب نستوفيه=يا جيّد الأصل جد وأب
هل طاوع الشرع مع ثانيه=ولاّ تهيأ أمر يرهب

عبدالرحمن

إدوم يا نور نستفتيه=لعل نورك لنا ما يغب
الشعب راضي ونا راضيه=معروف للكل ومجرب

فوزي قابل سالم الغانمي

سلام وافتح لنا محضر=حرّر إفاده وعطني رد
واطرفي اللي نظر وانضر=عطيب صابه سهم مرتد

قلت له

يا مرحبا من فؤاد اخضر=وافي لكم ياأصيل الجد
احرص على الطرف لاينظر=وحاول ترده اذا انه لد

فوزي

تسلم ولو الحكم ما سر=حتى جرى الدمع فوق الخد
كان الذي كان كيف احذر=واللي مضى كيف باينرد

عبدالرحمن

دمعي جرى لجلكم أكثر=اللي مضالك وصل للحد
نصيحتي لك لا يظهر=لا يبان طاريك فالمشهد

قال الشاعر / عطيّان بن زاهي البلادي

نشكر مساعيك و جهودك=ياللي على الأولّه مقدام
ورثت جودك من جدودك=والطيب لاهله يسير وسام

رديت له في رسالة جوال أقول فيها :

الطيب من صافي عدودك =أهل الوفا من سنين قدام
في كل واجب سبق جودك=واجبك نثنيله الأقدام

ودّان

سلام صرفه ذهب و جنيه
ما يصرفـه غيـر صرافـه


وانت بثمين السعر تشريـه
ما ترخصه وانـت عرافـه


الـــــــــــذراع


يا مرحبـا و الغـلا نغليـه
الزين ما نجهـل اوصافـه


اذا طلـب حاجتـه نعطيـه
نحرص على رضاه وانصافه


ودّان


لعـل دوم الوفـا تمشيـه
واشكي بعد ذقـت مغرافـه


ماني من اول مفكـر فيـه
واليـوم شفقـان لاطرافـه



الـــــــــــذراع


الحـر لاحـام مـا يلهيـه
روعة جمال الـذي شافـه


فالحال ما يرحمـه يدميـه
يلوي جناحه علـى اردافـه


ودّان


بالطيب قصدي نهار اجيـه
واقطف ثمر حمرة شفافـه


ماني مصدّق نهـار اجنيـه
وارقى على حـد مشرافـه


الـــــــــــذراع


ليه الهجر و التـردد ليـه
مابيـن خـلٍ و ميـلافـه


من لافه الشوق ما يبريـه
إلا وصـال الـذي لافــه


ودّان


ليته بقربي عشان ارضيـه
واطفي اللهيب الذي حافـه


زاد المعنّـى بمـا يطريـه
حتـى بلـغ ذروة اتـلافـه


الـــــــــــذراع


اصبر على بعد من ترجيـه
صبـرك يقرّبـك لضفافـه


أمـا لفاكـم قبـل تلفيـه
ولاّ لفيـتـه فمصـيـافـه

قال الشاعر / عويدات بن محمد=
بالصدق و المرجلة و الطيب=الرجل يمشي مع اصحابه
والذيب ما يصادق إلا ذيب=والصقر ياكل بمخلابه
عبدالرحمن=
بالطيب أمشي لكم واجيب=وش جاك يا طيّب الجابه
من قدّم الطيّبة ما يخيب=يجني ثمر مدة اطيابه
عويدات=
يا مرحبا والنجوم تغيب=وحنا على الطيب كسّابه
انا افتخر و اتبع الترتيب=واعامل الكل بحسابه
فأول لقانا بدا التخريب=يوم الأسد كشّر انيابه
إلى متى نفوسكم ماتطيب=دايم على الحقد جلاّبه
في داركم شفت انا التعذيب=من يظهر الحق لأحبابه
عبدالرحمن=
لك البقا والمقام مهيب=الشيخ طه تعزوابه
يرضيك بالحق و التأديب=للي تعدّوا على بابه
ماقفك ما يلحقه تثريب=شريف والكل يزهابه
الشيخ داعيك للتوجيب=والضيف له حق و طيابه
في دارنا نكثر الترحيب=ناطا على الحقد و عتابه