حدايه بين المعابيد

هذه الحدايه بين المعابيد وفي مقدمتهم بعض مشايخ هبانه من معبد الى عيال عمهم بني عاصم في حفل زواج اخو الشيخ بدر بن مطيلق الهديمي العاصمي المعبدي
تقول الحدايه



الاوله سلام تسليم الوفاء والــــــــــراس طايل
تضفي عليكم ياعيال العــــم ماضين الفعـــــــــايل
وتعم كل اللي حضر فاالحفــــل مــن كل القبايل
مبروك يابدر الفـــــــرح دامت لياليك السعود


والثانية وشهم ثنين إخـــــــــوان فالدنيا دلايل
للي مضى فالبر وألا فالبحــــور اللي هــوايل
يكفيك يالمخلوق والنشاد عـــن كل الوسايل
واليوم جاهم من خدمهم والفضل فيهم يعود


الثمن

يامرحبا عداد مـــاينشى مــــن المنشى مخايل
حيـــــاكم الله يارياجيــــــل المعـــــزه والحمــايل
جيتوا عل التكميل والتكميل علم.الشك زايـــل
وجـــــودكم ياربعنا تشــــــــريف والفرحـــه تزود


والثانيه يااللي بنيت اللغز عن حلــــــه تسايل
هذا تراه الجـــدي جنب سهيل فالمنصا عدايل
هذي حلول اللغز وانته عن حلوله ويش قايل
لـــو دارت الأيـــــــام دايـــم في منازلهم شهـــود



وسلمتكم

حياك الله يابن صقر

مرحبابك

ولاتغيب عنا واجد

وجودك يابن صقر يسرنا ويسعدنا

واعطينا الجديد في الزواميل اول باول

الموقع الرسمي للقبيله له واجب على الجميع

تحياتي لك يابن صقر

الله يعطيك العافيه
بيض الله وجهك

	المشاركة الأصلية كتبت بواسطة خالداللهيبي

	حياك الله يابن صقر مرحبابك ولاتغيب عنا واجد وجودك يابن صقر يسرنا ويسعدنا واعطينا الجديد في الزواميل اول باول الموقع الرسمي للقبيله له واجب على الجميع تحياتي لك يابن صقر

الله يبقيك ياطويل العمر
والله يسعدك يابن العم مير الظروف تحكم علينا. لكن ان شاء الله إنتواجد حسب الاستطاعه
اما الزواميل ابشر بها وتآمر آمر

	المشاركة الأصلية كتبت بواسطة الحب الباقي

	الله يعطيك العافيه بيض الله وجهك

الله يعافيك والله يبيض وجهك
وشاكر لك مرورك العطر

"
"
هلا وغلا بأبن صقر
بيض الله وجهك يالغالي
على هذا النقل الرائع والجميل
وصح الله ألسنة الشعراء وبيض الله وجيه ربعنا كلهم
لا عدمنااااااااااااك
"
"