إعذرينـــــــــــــــــــــــــــــــــــــــــي

22-05-10, 03:19 AM

[poem=font="Traditional Arabic,5,green,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
لملميني واجمعيني من شتاتي والضياع=واغرسيني في بلاد الطهر عفّه وانبتيني
واحزميني للسراب اللي تبادالك متاع=واحضنيني قلب مغرم فيك ميّت واعشقيني
كل ما للحب فيني... الوفا والإقتناع=والغلا والشوق واجمل ما أتَرْجِمْه بْيميني
والخفوق اللي تحلّى بالجميل مْن الطّباع=والضمير الحيّ...إحساسي وآهاتي...حنيني
لون ذاك الثلج قلبي ما تعنّى إلتياع=ما مشى قبلك طريق الهايمين المغرميني
ما عرف زيف المشاعر...ما غدر خِلّه وباع=ولا بكى ظيم الموادع والخيانه والأنيني
صدّقي أو...لا... تروّي ...لا يغرّك ما يذاع=من لساني عن حقيقة ضامرٍ عمره مشيني
أدري انك هاويتني يا بْنيّه للنخاع=وادري انك شوف ما يطمح لغيره ضيّ عيني
وادري اني لو أَلفَّ الكون كلّه باع... باع=ما أظن القى مثيلك حسْن واخلاقٍ تزيني
لكن ادني واغرفي من قلبي المجروح صاع=وانثريه بْروض عقلك وقتها تقري كنيني
واسمعي عقلك حروفي كان جاد الإستماع=صدقيني تعذريني لو دقيقه تسمعيني
من عذابي جيت اكذّب واتِخَيَّلني شعاع=ما لمس في يوم أرض وْلا لِمَحْه السارييني
ومن عذابي جيت اجرّب ارتدي اجمل قناع=للتصنع بالبراءه من حياة الهالكيني
من ضياع وْمن مرار وْمن تناهيتٍ جياع=من عنا حرمان روحي حبي الحيَّ الدفيني
من طفوله عرّفتني وش معاني إجتراع=من يِدين اغلى حبيب السّم...لاهي مستهيني
ومن شبابٍ ما وهبني كود طيش الإندفاع=والندم والهم الاظلم من ليال الساهريني
صدقيني كل همّ الضيق يغنم باتساع=مَنْتي اللي مهتويها لوّ قلبك مهتويني
يا بْنيه اعذريني...ماني بْحمل الصراع=هالصراع اللي بنيتي في فؤادك تقصديني
واعذريني كل ما بالقلب تذكار الوداع=هالوداع اللي كسرني في شبابي...إعذريني
صدقيني لو كسا حبك حياتي مَ استطاع=يكسي العريان قلبي يا بْنيه ...صدقيني[/poem]

[align=center]
للتحميل 2 ميجا
http://www.herosh.com/download/36718...____0.mp3.html[/align]