البارحه نومي

البارحه نومي هواجيس وارهاق = سهرت لين الصبح بيّن شروقه
قامت تجاذبني همومي وتنساق =ابيات في صدر القصيد مخنوقه
اسقيتها وخضّرت غصون واوراق=وليا طلبت الجزل ماهي عقوقه
وانا انخلقت( لرفعة الراس) عشاق= وكبود حسادي علي محروقه
الصاحب الوافي محّله بالاعماق= ووفاي له عندي من ابسط حقوقه
اليا نخيته ماثنى دوني الساق= جاهه وماله في لزومي يسوقه
ولاتلومني يابوك لو خاطري ضاق= الناس من هالوقت دايم ضيوقه
ولاتشتمت والرزق بيدين رزاق= واللي كتب للعبد لازم يذوقه
لابد ماتطلع لنا شمس الاشراق=والصقر صقر ولو قضبته سبوقه