خلف فعولـه معجـزات هوايـل (عيد بن سمير البشري)

كان مولد تلك القصيدة في حفل اقامه الشيخ نايف بن متعب بن ناحل بمناسبة تعينه اميراً على مركز الفيضة خلفاً لوالدة رحمه الله وشاعرها هو الشاعر العلم عيد بن سمير البشري الحربي والذي اقام حفل اخر جمع فيه حرب وكثير من القبائل الاخرى ولا يستغرب على ابن سمير في ذلك فهذة عوايدة وراعي جزالة

يا محمد الغـزاي مانـي مسايـل = ماحتاج من صوب النواحل عزومه
في حفل نايف جيت والراس طايل= لعل شوفتكـم ماهـي بمعدومـه
طاريكم افخر فيـه بيـن القبايـل = رمز الكرم في حرب تعرف علومه
مقداركم ياهـل الفعـول الاوايـل= يِصحي الرجال مـن عـز نومـه
مـدح الكفو يامحكميـن المثايـل =مثل نهارالعيـد ماحـد يصومـه
خلف شهد له بالكرم شيـخ حايـل= حكومـةٍ قـدام وقـت الحكومـه
شيخ ا ليا نكف فوق عوص الرحايل = مثل المطـر كـل يفـز بقدومـه
مايعطي إلا خيارشقـر الاصايـل = لوهوما ياجد قـوت ليلـه ويومـه
نـواحـل" لا ولـعـن الفتـايـل = فرسان حوض الموت كل" يرومه
عدوهـم بـه يبـردون الغلايـل = لياتذكـر فعلهـم جـاه غـومـه
وقت به تشاف النجـوم القوايـل = ماليـة الرجـال فيـه مغنومـه
احيان يمسي من طـواه امتدايـل =واحيان يمسي معوز من هدومـه
ياهل الفعول الساميـات الجلايـل =ا نتم حروف المجد وانتم رقومـه
مديحكـم يامعربيـن السـلايـل = مثل السما اللي زينته في نجومه
اعد نـور مايبـي قـول قـايـل =هم مزبن اللي كعمسنه همومـه
والنور يكمونـه خبـاث الدغايـل = وحضوض رادين البخوت مهدومه
خلف فعولـه معجـزات هوايـل =رغم الفقر والجوع تندى كمومـه
شيخ كرم يمنـاه مثـل المخايـل= جبلـتـه تورثـوهـا لحـومـه
فتخان الايدي ميبسيـن البلايـل= رجالهم سلم الكرم مـن سلومـه
انتم كرمكم ورث ماهـو نحايـل =يفخربه(الحربي) ولاحـد" يلومـه
الطيـب للـي يحتمـون الدبايـل = ماهـوب للـي مايمـم يمومـه
رجال مابه طيـب فحـل حلايـل = فقير والا اثرى من تجار رومـه
الطيب دربه صعب كامل خصايـل = واللي يبيعه مستحيـل" يسومـه
واللي يحسب الطيب دربه سهايل = ماعمرها جت الخشونـه نعومـه
واللي يبي بالطيب نصب وتحايـل =ماهو محقـق بالتمانـي حلومـه
ليش النـوادر بالحمايـل قلايـل =الا انهـا حكمـة إلـه محكومـه
والشعر مسمـوع بكـل الوسايـل = لاكن فرقـه يالرجـال الفهومـه
فرق النخل لامـن طلعـه تمايـل= تطلع ذي خلاصه وهذيـك دومـه
الاتصـالات اغتنـت والموبايـل= جوالهم على عملاهـم رسومـه
لشعر كـل قـام يرسـل رسايـل= ولجانه من الفهم فيـه محرومـه
جيت النواحل كاسبيـن الجمايـل = ومثنين لي كلمة وعد ومحسومـه
وان اطلبـي ماريـد فيـه البدايـل= تشريف للبشري وتشريف قومـه

مشكور يالغالي على نقل قصيدة الشاعر القدير / عيد بن سمير
ويستاهلون النواحل
تحياتي

	صح الله لسان الناقل والقائل وبن ناحل يستاهل

صح الله لسان الناقل والقائل وبن ناحل يستاهل

وبيض الله وجهك يالذيب

متعب العمري
صحت ابدانك وبيض الله وجهك الف شكر

محمد عويض البدراني

صحت ابدانك يالقرم ولك جزيل الشكر

بخيتان البشري

صحت ابدانك يالقرم الف شكر

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك

الاخ الجبل الراسي
اسم على مسماء الله يبض وجهك على الشامخه من شاعر شامخ ويشتاهل
ابن ناحل

الحب الباقي

صحت ابدانك وجهك ابيض الف شكر