قصيدة للشاعر الحميدي الحربي بعنوان (( الصدى الأول ))

مانيب لوجيه المخاليق عباد= والشك ماخالج خفايا فوادي
ولاني للتدنيق على الضيم معتاد =للعز دايم هومتي واجتهادي
وان قيل تخسر قلت وش عاد وش عاد=كلش لراسي لاارتفع فوق فادي
الا بلادي واللي لمجدها شاد =أنا افدي بلادي وقادة بلادي
رموز عز شامخة لأمة الضاد =متميزين بساميات المبادي
أحبهم واعلن على روس الأشهاد =صدق الولا لأهل العدل والرشادي
الله خلقني حرّ ما ارضخ لمن راد =في مايخالف ملتي واعتقادي
حربي ولي نبراس من فعل الأجداد =اللي مواقفهم تغيظ الأعادي
المال كله زايل ان قل وان زاد =واللي يدوم الفعل علم وكادي
والحرّ يبقى حرّ في يسر وانكاد =ما يجلب المبدأ بسوق المزادي