ياعسى شبل المراجل ماتغيب نجومه

البحر ماكل سباحٍ يعرف يعومه=والموارد تتعب اللي يقصرن حباله
الله إنه يقطع اللي كلمته مقسومه=نصف صدق ونصف كذب ونيته محتاله
تحسبه رجال لامنك سمعت علومه=مايقلد في ( سبيل) اليا سمعت اقواله
يبهر الرجال في شكله وزين هدومه=يعجبك في حد نظراته وكبرعقاله
مير لو تنصاه بالازم لقيته بومه=لو يلم المرجله دوبه ودوب اعياله
ذا سلوم العاالم المعطاه والمحرومه=لعنبو بيتن كبير ولا يظل اظلاله
الصحيح اليا نزل في ديره المهيومه=هام في وادي الهيام وصار با أسوى حاله
ياعسى شبل المراجل ماتغيب نجومه=حسب ماواجهة عندي له مكان لحاله
كل مامريت بيته نيرته مشعومه=مجلسه طول الليالي ماتكف دلاله
ذاك ابو ناصر هديب الشام خيرة قومه=لو همه كبرضلع طويق يضحك باله
عز من ينخاه وقت الحزه المحسومه=أشهد إنه مايشيل الحمل غير جماله
العريني سريته عند العرب مفهومه=كنه القطب الشمالي ثابتٍ منزاله

قصيدة للشـــــاعر/ مســــاعد ضعيـــــان البدراني

صح لسان الشاعر الرائع / مساعد ضعيان
ابو أثير له قصائد جميله ولكن من نلوم الشاعر نفسه
وإلا أخوه ضيف الله
نتمنى أن نرى له ديوان مع شعراء حرب
تقبل مروري المتواضع

صح اللسان الشاعر

وسلمت على النقل ياضيف الله

وبيض الله وجهيكما

سلمت يمينك ياضيف الله بن ضعيان على النقل والاختيار
الجزل وصح لسان شاعرنا الجزل مساعد بن ضعيان

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك

الاخ ضيف الله الله يبيض وجهك انت والشاعر الكبير مساعد البدراني
قصيده من ذهب الله يجمل حالك ونامل منك المزيد لشاعر مساعد البدراني

صح الله لسان الناقل والقائل