ما كنه الا خالد بن الوليدي

السلام عليكم ورحمة الله وبركاته

يا مير تنشدني عن اخر جديدي = هذا جديدي وافتخر فيه يا مير
يا صار في ربعي نوادر قصيدي = من قدح راسي مارجيت الشواعير
تحت عصاي الشرد مثل العبيدي = شردٍ من اهجوس المطفق مذاعير
من منهل با الجوف شيبه وريدي = يلفٍ عليه مثل ملفى المسايير
طر ايف في ذكر عهد مجيدي = للمستمع مثل الدلا ل المباهير
افخر وماري با الفخر في نشيدي = واشوش شووشة من لفلوه الخطا طير
شوشات ابن ناحل لركب منيدي = والا عويض با اليال المعاسير
اشوش شوشتهم وطولي يزيدي = اليا ذكرت افعول ربع مغاوير
ربع لهم با المجد عهد تليدي = يوم الطراد ويوم نقل البواتير
وقت قبايل نجد بدو شديدي = مشهاتهم ما تهتويه المعاشير
ما يجهل الحصنان غير البليدي = او موجس نقص بنفسه وتقصير
حربة قبيلة حرب قدم الضديدي = اليا ختلط عج الدخن با المعاصير
على ظهور الي حذاهن حديدي = يردون حوض الموت دون المصاغير
يا قال صياح الفزع يا عضيدي = عنها حدونا وفزعوا يا مظافير
ثم انتخا للعلم راس عنيدي = زبن الدخيل معشي السبع والطير
ما كنه الا خالد بن الوليدي = وبا الجاهليه غطرسة سالم الزير
عنده نهار مطارد الخيل عيدي = ومن السطر من دوره قالوا مغير
الي على ناره عددهم عديدي = الي من الحصنان والي من الغير
من كثر ما جاب الجهم من بعيدي = امعانقينه روس قوم ومشاهير
ومن صيحة الفزاع صاح العقيدي = يا هل غصيبه ما تفيد المعاذير
عن حرب والله ما نشط ونحيدي = الراي يا اهل الراي شيروا وبا اشير
تحيزموا والراي له من يجيدي = مبحل وهو مبحل يحير ولا يحير
امحنك رايه با الريا سديدي = يا عمسة الاريا يدل المعابير
ثم نقطع صلب الكلام المفيدي = والخيل دقة في حذاها المسامير
وردو حياض الموت خطلان الايدي = مثل العجاجه في جموع الطوابير
دار النهار وجا نهار الوعيدي = وطاحت عزوم الي تقافوا مدابير
نهار كان الحرب يوم سعيدي = يوم تورخ فيه نجد التعابير
رد البرى منور ابفعل فريدي = بامدوح تقاطعوه المناعير
قبل يسود بنجد حكم حميدي = وقبل يصيرون الشيوخ الهوامير
قبل يصير الشيخ حسب الرصيدي = والمشيخه تعطا لراع الدنانير
وقت مضى ما قول جعله يعيدي =وقت الجهل ومسطرين الاساطير
لو تنشد العاقل من المستفيدي =ما قال ودي ما حصل يرجع يصير
الله يبدي با العباد ويعيدي = وله حكمة في ما يشا من تدابير
نريد والله يفعل الي يريدي = ولا عندنا علم بغيب المقادير
هذا وانا منقص حقوق العبيدي = كل عطاه الله من الشر والخير
هذا جديدي فيه افاخر واشيدي = صورة شي كان با القاف تصوير

صح لسانك اخوي/ خالد على هالقصيدة الجزلة

و نعم بالحصنان و بحرب جميع

والله ونعم بك وبربعك
صح لسانك وسلم بنانك

	المشاركة الأصلية كتبت بواسطة حميدان العوفي

	صح لسانك اخوي/ خالد على هالقصيدة الجزلة و نعم بالحصنان و بحرب جميع

صح بدنك اخوي حميدان ولا عليك زود ونعم با حرب كلهم وبا القبايل العربيه كلها

	المشاركة الأصلية كتبت بواسطة حمود الغيداني

	والله ونعم بك وبربعك صح لسانك وسلم بنانك

ما عليك زود وصح بدنك ونعم با حرب كلها حرابة الدول ونفخر بهم وبا فعولهم جميعا

خالد الحصني \ حياك الله وبيض الله وجهك على هالمعلقة
لقد أبدعت ياخالد مشاء الله عليك : تقبل شكري وتقديري

	صح الله لسانك ولاهنت وسلم فكرك وبنانك دمت برعاية الله وحفظة

ونعم ثم ونعم فيك وفي ربعك


صح لسانك ورفع الله قدرك وشانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

والله ونعم بك وبربعك
صح لسانك وسلم بنانك