بحـــــــــــــــــــر المودة.............

مجازف=
لاشفت بحر المـوده مـد=بامـد لاكـنْ علـى قـدي
اخاف في دربهـم انصـد=ويضيع في مامضى جهدي
قـابــل الـبـشــري =
غريق بحر المـوده جـد=مايعبـره كـل متـحـدي
واللي صدق في دروب الود=لابـد مايخلـف الـكـدي
مـــــجـــــازف =
الود كم لـي عنـه مبعـد=لانه كشف للبشـر سـدي
واليوم جرحي عليـه جـد=وتجمْعّ الهم فـي وجـدي
قـابــل الـبـشــري =
لابـد راع الهـوى يرتـد=ومن بعد جزره يجي مدي
ومادام عاد الهـوى عـود=لاتقابل الوصـل بالصـدي
مجازف=
جروح بالـود ماتنعـد =خلت دموعي على خدي
هزمني الود ماني نـد=والحال ياخوك متـردي
قابل البشري=
اثبت وخلك شديـد وضـد=للـود ازمـات وتـعـدي
ولا ارخت حبال المودة شد=ولا اسرع معاك الهوى هدي
مجازف=
بأهداب عينه يقيم الحـد=وبنظرته ضاع ما عندي
تعبت وانا وراه اطـرد=مابين بدي ومـا بـدي
قابل البشري=
لا تضيع مابين صد ورد=وتجيب فالعلـم وتـودي
قله ابا فالمـوده عهـد=تبقى معي ماتجي ضدي
مجازف=
والله لولا الحيـا والنقـد=ومحاسب الرب في لحدي
لأكسر حواجز واهدّ السدّ=واغتالُهْ المبْسَمْ الـوردي
قابل البشري=
مادمت حاسب لها وتعد=كف القدم واغسل اليدي
وامنع عيونك لاعاد تلد=في كل خافي ومتبـدي
مجازف=
كل الجوارح لهـا تنشـد=اللي تفطْرّ لهـا كبـدي
عطشان واقف بجنب العدّ=بشوف بالعين وباعـدي
قابل البشري=
اما اطلب القرب ولاشد=فكر وبالعقل تستهـدي
لاتصير هايب ومتردد=تبني فالاحلام وتهـدي

مجازف

صح لسانك وبيض الــله وجهك

ابو يزيد

صح لسانك وبيض الله وجهك

الأبداع لا يكتب إلا لأهله

والله مبدعان بكل ما تحمله الكلمة من معنى

	المشاركة الأصلية كتبت بواسطة نوارس

	قابل البشري .. الجمل هذا الفارس الغني عن التعريف شاعر الكسره الذي لايهاب اي قافيه .... لكل مشكله لديه حل ..وكل سؤال يوجد لديه رد طبيعي ومن المؤكد انه لم يخسر اي جوله محاوره حتى مع الكبار لانه دائما كبير ودائماً ينتصر يعني بالعربي وعلى بلاطه (ماعليـــــــــــــــــــــــــــــــــــــه خوف) عيني عليه بارده الله يستر عليه ويحميه ولا يحرمنا من ابداعه وترى الخشب بجنبي لاتخاف يالجمل 7 7 7 7 اما الاخر وماادراك مالاخر مجازف...الذي اجزم لااااا بل اقسم ان وراء قلمه شاعر فهل هو ..شاعر ... لاااااااا واي شاعر شاعر متمكن ..... لااااااااا بل شاعر كبير... والكبير الله مجازف ... وكان بالفعل مجازف وردوده الجريئه ذات الحبك والسبك ... كانت قمه وغايه في الجمال بالفعل اثبت شاعريته..التي لا يشق لها غبار 7 7 7 7 الشعراء الكبار .. استمتعت كثيرا بهذه المحاوره القمه التي اعتبرها اجمل محاوره في عام 2009م صحت السنتكم .. لله دركم دمتم على الابداع

الشاعره القديره نوارس

شكرا لهذا الحضور

كوني بالقرب