لا وآخسارة خيلتي يوم أخايل

	المشاركة الأصلية كتبت بواسطة لافي

	لا وآخسارة خيلتي يوم أخايل=حسَّبت أخايل في سحابة سديده لقيتها طلٍ على عود مايل=عشَّم على تمر النخل مع جريده مشروبها لو جاك من نقع سايل=يقضي على صم العروق الشديده ومحصولها مثل الرجال المخايل=أهل العقول الخاملة والبليده وياهاجسي خل المثل والمثايل=وهاك العلوم الصاملة والأكيده من لا حسب وقت العلوم الصمايل=لو طاب له مد العرب مايفيده وإحذر توسَّم في عديم الدلايل=وتضيع مع كثر الوسوم الجديده اليوم قلَّوْا من يبون الجمايل=والوقت ماهو مثل ما أنت تريده خلك كما قالوا خفيف الشمايل=أخذ المواجه وأترك اللي بعيده مادام راحت من عيال الحمايل=ماجات مع حامد ولا مع حميده

صح لسانك ياشاعرنا المبدع لافي لاهنت على هالرائعه

حياك الله اخوي
القصيدة جزلة ومفيدة ولا يستغرب جودتها لانها من انسان وشاعر ومبدع بيض الله وجهك
لك تحياتي

الله يعطيك العافيه قصيدة رائعه

	المشاركة الأصلية كتبت بواسطة لمعة الجليد

	وياهاجسي خل المثـل والمثايـل وهاك العلوم الصاملـة والأكيـدة من لا حسب وقت العلوم الصمايل لو طاب له مد العـرب مايفيـدة وإحذر توسَّم في عديـم الدلايـل وتضيع مع كثر الوسوم الجديـة ؛؛؛؛؛؛؛ أظن أن هذه الثلاثية المقتبسة من قافيتكم الباذخة ... تكفي لأن يُقال أنكم سادة في هذا المجال [ الشعر الحق ] ... كل شيء في حرفكم يكتمل تحسنون الصياغة ... ولكم ما يميزكم عن الأخرين ... يغيب سنى [ حرفكم ] ويأتي لنا بهطول يغرقنا ابداعاً ... نكاد لهُ وبه [ نثمل ] ... وحُق لنا فالإبداع مباحٌ لنا أن [ نثمل ] لهُ وبه ... ؛ ؛ ؛ أوركيدا فاخرة ...

لمعة الجليد
،
شاكر لك هذه الروح الجميلة
،
والعفوية التي تحتذا
،
أدام الله هذا التواصل
،
لاعدمناك

	المشاركة الأصلية كتبت بواسطة مضحي بن جمران

	صح لسانك ياشاعرنا المبدع لافي لاهنت على هالرائعه

مضحي بن جمران
،
صح بدنك ولا لك مهونة

	المشاركة الأصلية كتبت بواسطة حسين مريع العبيدي

	حياك الله اخوي القصيدة جزلة ومفيدة ولا يستغرب جودتها لانها من انسان وشاعر ومبدع بيض الله وجهك لك تحياتي

حسين مريع العبيدي
البقاء
ووجهك أبيض
لاهنت

	المشاركة الأصلية كتبت بواسطة ابو صقر الحربي

	الله يعطيك العافيه قصيدة رائعه

الله يعافيك لاهنت

الله الله الله

ابداااااااااااااااااااع راااااااااااااااااائع

لله درك اخي لافي

بيض الله وجهك وصح لسانك

تقبل اجمل التحايا

ودمت بخير