( الحياه بخوت والرزق امقسوم)

قال منهو شاف فالدنيـا عجـب=الحياه بخوت والرزق امقسـوم
ماخبر شعبـان يتقـدم رجـب=حكمة اللي رافع ٍ سبعه نجـوم
لانوى له علم في لحظه وجـب=واحد ٍ غفّـار تـواب ٍ رحـوم
من صغر سني وانا عقلي نجب=ضاري ٍ بالجود مع طيب العلوم
والزمن لو عاف مثلي مارعـب=في صراع الوقت ماني بمهزوم
ولو يصيب الحال ياعمري نصب=صعب ٍ الاحوال في وقتك تـدوم
وان كبر همك بوقتك وان صعب=بالحزم تنزاح صعبات الهمـوم
تزعلك بالوقت هفـوات العـرب=والعزم مامات عند اهل العـزوم
والجهاله ماتنومـس والغضـب=صاحبه دايم على فعلـه ملـوم
والتـروي فيـه ميـزه لـلادب=وموقف الشجعان مايقبل رخوم

الشاعر/ خالد بن عبيد بن معتوق ألأحمدي