محاورات خالد فهد بلملتقى

خالد فهد=
سلام الله برديه معانيهـا لهـا مفتـاح=ومفتاح المعاني كلمةٍ في صدر شاعرها
ابا ليه عميلٍ يوصل الهرجه وهو مرتاح=يسوق القافيه وايضا المواقف مايكررها
اسماعيل =
هلا يامرحبـا ترحيبـة الاعيـاد والافـراح=وياطيب المعاني والنجوم اللي نسامرها
وصلنـا ياعميـل الخيـر يــارزاق يافـتـاح=نبي فتل المعاني بعد مانرصد مصادرها
خالدفهد=
يعل ابك البقا والبرق في عالي مزونه لاح=الا ياالله تقديها على المسنـي وتامرهـا
بعد ماهاض هاجوسي نبي ندعيك بالملواح=وناخذها ونعطيعـا بطايلهـا وقاصرهـا
اسماعيل=
ليا لاحت بروق المزن تكسر خاطر الفلاح = وانا ماودي الفلاح بالمنحاه يخسرها
انا عارفك ياخالد حرامي حنشلي مزاح = ليا شفت القصيره دون زمل عقيل تطمرها
حسين المعمري =
سلام الله على ربعي نبا نبدى على المكشوف=نبا نبدى على المكشوف والحاضر يسيرها
شف اللجنه بها حاجه تشوف ونصفها مايشوف=ونبا من هو يدير العلم من بكره يغيرها
خالدفهدالحربي =
هلا يامرحبا والعلم الابيض يعتبر معروف=واواجهتك بصدرٍ رحب وايضا مان اخرها
تحيزم والسعدقدمك وحنا للرجال اضيوف=تطولهـا نطولهـا تقصرهـا نقصرهـا
حسين المعمري =
هلا والله وجبناها على الواضح بدون ظروف=وانــا مـانـي بواليـهـا وانــا مـانـي مضـيـرهـا
تحيزمـنـا ولاتـاتـي ولاتـاتـي بــدون سـيــوف=تـهـمـلـهـا نـوجـهــهــا تـهـمـلـهــا نـكـســرهــا
خالد فهد الحربي=
وسيع الصدر مايبحل ولايلحق ضميره خوف=يحاول يكشف الدعوا من اولهـا لياخرهـا
ترا بدري توصيني تبا اللجنه علي التطـوف=لاكن المعركه قامـت وثـم دارة محاورهـا
حسين المعمري =
الا والله بحلنا بك على الجمه تقـول حيـوف=ولو تنشد جميع الناس قالو مـن مضاهرهـا
انا بدري موصيكم على عايف على معيوف=علـى لجنـه بـهـا ملـيـون ودارت ماتـدورهـا
خالدفهدالحربي =
معك هرجه وتنقصك البلاغه والشهود وقوف=يطول ابك البقا وانته جملها وانت شاعرهـا
علومك واجده والناس يوجد بينها ملقـوف=وغراتٍ يشاهدهـا تـرا مـا الله ساترهـا
محاااااااااورة رائعه=
خالد فهد=
داب حجرف مد راسه=والطيـور تحـوم حـولـه
والعرب فيهـا حماسـه=دولتٍ فـي بطـن دولـه
تركي الشيخ=
جاه من بالرجل داسه =عقب حول عن ذلوله
انت ضاري بالعساسه = مار ماجبت البطوله
خالد فهد=
ماتفيـد الادراسـه=الجهل مافيه طوله
وانت ضاري للعكاسه=والقمر مانته بحوله
تركي الشيخ=
بالدراسه والفراسه=كـل رجـال وفعـولـه
بعد كبيـت الرياسـه=لاتـدرق بالصطولـه
خالد فهد=
حط لك كرسي وماسه=كل رجلٍ ومحصولـه
ماتركـت الاالسياسـه=عقدتٍ ماهي محلوله
تركي الشاماني =
تعال ياخالد فهد ياغازي العربان ليـل =امرار خال الملعبه وامرار تصبح جدها
ابنشدك وانته ترنح بين بن وبين هيـل=وشب الصدور الضايقه كلمه تبيح سدها
خالد فهد=
خالد وصل واللي معه دعوا يبين لي دليل=والحجه الي ناقصه يـم العميـل نردهـا
تنشد وانا اعلمك والغلطان مع واد المسيل=لاكن ظنونك خلهـا والعايـرات نصدهـا
تركي الشاماني=
كفو وانا اشهد بان مثلك ياولد ماهـو قليـل =لكن بعـض النـاس قامـت تلتـوي فـي بدهـا
حنا عرب يابن العرب ماناخذ الا المستحيل=العيـن نلطـم نونـهـا والـقـوم نـاخـذ عـدهـا
خالد فهد=
يامطيب الهراج لاسولف ولامـده بخيـل=يعط الرجال حقوقها والمقبـلات بغدهـا
صياف راح وراح قدامه راع الهدلى سبيل=والي وراهم رؤس تاخذ مجدها في يدهـا
تركي الشاماني =
من فعلك اللي نسمعه بين لنا بانك نبيـل=ياطيب الاذكار بعض الناس ليش اتحدها
ذكرتني باللي تحصل بعد ماقمنا حصيـل=يحط راسـه للعـرب والخبـل ماهـو قدهـا
خالد فهد=
الله يسترعرضنا من هرجـةٍ قيـلٍ وقيـل=واللي تنـادي للكـوارث بالمشاكـل بدهـا
توك دريت بقصة الخيال والدرب الطويـل=والناس من حروة شهر رؤس الجبال تهدها
تركي الشاماني =
بالله ياللي شلت من عند العرب حملٍ ثقيل=خـل الحبـال الفاتـره ماهـو لــزوم انشـدهـا
ادري بها وانتـه تشـوف عيوننـا يـم المخيـل=مالـدهـا بالـلـي يـجـي باضلالهـن مـالـدهـا
خالد فهد=
تبا الحقيقه وش توطي بالحمول وش تشيل=والسالفه وصلتك لو أذنيك عنهـا تسدهـا
اختم لاقانا والحذر ثم الحذر يابـو جميـل=ترا السلامه طيبه والنـاس دوم اتودهـا
خالد فهد=
والله اني مازعلت من المحايد=اعـرف ان الشـيـخ قـدامـه تـعـدا
يامدورت السوالف والقصايـد=كلمة اهل الحق ملزومٍ تبدا
بواري الحرب معهم حط زايـد=لاكـن اـنـه عندهابـالـحـيـل هــــدا
والخطر مرفوع وا لآمان سايد=في ظلال الشرع والاب المفـدا
هيه ياعياد وان حصلت عايد=علـمـوهـم كلـبـوهـم مـاتـحـدا
جيت ابا العب وتسلا بالجدايد=لي هجوم ولي لاجات أتصدا
تركي الشيخ =
استلم مابيك تحاور نفسك =
بارك الله بالرجـال اهـل العوايـد=والردي ماهو غريـب اليـا تـردا
من سرى بالليل ماجاب الفوايـد=ولانشدنا ويش جاب وويش ودا
خالد =
والله ان الخبز وسط النار جايد=قبل تشري الثوب بقياسه تقـدى
والفوايد روحت مثـل القلايـد=من بغاها هيه ياقرب المغـدى
بواردي حرب =
ياولد وشبك تدّور للنقايـد=مابنا نية ردى وأنته تـردا
والله انا مانهاب من الشدايد=لكن عيونك علينـا لاتلـدا
خالد فهد=
والله اني مامشيت برون سايد=لاكن الشعار تكتب لك على ادا
نعم فيكم بالمكايـد والمزايـد=لاكن الموضوع ودي مايعـدا
تركي الشيخ =
عقب راح العيد لاتقعد تعايـد=كان فـوت العشـا بكـره تغـدا
والله اني ماعطيتك ثوب بايد=لاتخـلـط الشاذلـيـه بالمـرنـدا
خالد فهد=
ماذبحنا هسنه غير الردايـد=الدواء مايصرفونه غير لـدا
كان مانته غاسله بشوي تايد=الجدي بجهود غيره مايجدا
تركي الشيخ=
لو عرفت السر بسطور الجرايد =ماحديت امع الطريـق ولا تحـدا
ياخليفه مانت مثـل الشيـخ زايـد=لا تصدق مدحة اللي منك واردا
خالد فهد=
لوعرفت السر ماجبت الفرايد=ياعميل الخير هـون لاتيـدا
وبن زايد موقفه بالكون رايد=لو يهفك مادفع لابوك مـدا
خالد فهد=
بارك الله فيك مالدعوا غصيبه=من يحط معرفه يحسب حسابي
مد شوفك للبعيده والقريبه=وان زعلنا وان ز علتم مانت هابي
المحايد =
ماش غصب ولاش شك ولاش ريبه =بس انا محتـار وابغالـي جوابـي
الاسامي بعضها صـارت غريبـه =والمخابي وش مخلـي بالمخابـي
خالد فهد=
الرضا خلص طليبٍ من طليبه=والمحير عندنا حل الصعابـي
الاسامي عندكم تبغـا ظريبـه=والمخابي عندكم فيها زهابـي
المحايد=
قد دفعناها وهي ماهي غريبه =بس وينك يوم حزات الصعابي
ثوبك الأول وراك تشق جيبه =ياعميل الخير كثرت الثيابـي
خالدفهدالحربي=
مادفعت الاحصانٍ في سبيبه=وان زعلت اخبرك ماجدك صحابي
الادب راعيه مايظلم نصيبه=والحساب يصير من بين العلابي
خالد فهد=
ياسلامي عليكم والهدف مضمون=في صدور ٍنسميها شماليه
ياشمالي تراك بليلة المليون=خوذ فرزتك معيه ربع عصريه
الصدرالشمالي=
البقا بك ياشاعر عليك الهـون=لا يطير الشماغ اللي على الطاقيه
والله إنا عرفنا سـرك المكنـون=باقي النيـه الله يعلـم النيـه
خالد فهد=
الثنا من هجوس(ن) قافها ماوزون=تاخـذ العلـم والرايـه سعوديـه
جابها الله قريبه مثل صفر النـون=اعترف وشو اللـي شايفـه في
الصدرالشمالي =
وش تسوي بجنبك جمرة الغليون=وانت تقرى عليك السوره المكيه
والله إنا ماشفنا بك ياخالد لـون=مابك اقصور لا هاذي ولا هاذيه
خالد فهد=
اضبط الوزن وعرف نايفات الكون=السوالف لها روحـه وثـم جيـه
كان خشمك كبير ومقدمه مدهون=اول الليـل ماهـو مثـل تاليـه
الصدر الشمالي=
انت تضحك علي وفمك ماش اسنون=والسواليـف منطوحـه ومقفـيـه
حب خشمي وراسي وتغدي ممنون=يمكن اننك تروح بصرة(ن) ممليـه
خالد فهد=
اه من هرجتٍ ماوسطهـا مثمـون=عهدنا فـي نمطهـا بـول الهيـه
جعل خشمك براسك لو بدون عيون=مانبـي منـك لاحسنـه ولاسيـه
الصدرالشمالي=
روحت بك على هامان يافرعـون=احسبوهـا بميـلادي وهجريـه
كان تبغى الكلام الثابت المضمون=انت شيخٍ عليه البشت عاريه
خالد فهد=
روحت بي عليه من طرفك ديـون=وانت ترقص مابين الشمس والفيه
جيتني منحدرومصفـر الطبلـون=والملافات فيهـا جيـب دوريـه

هذا ماستطعت عليه

نظمها يابو فهد زين



وصح لسانك

فيه اخطا كثيره اذا احد يساعدني او يحذفها احد المشرفين
ابشر بسعد يابو فهد لكن ليا لعبت ضدي لاتجيب حيلك عليه يعني خلك متسامح معي تراي من الحزب ابتاعك يافندم سامع ياريس

	الله يـعـطـيـك الـعـافيـــــــــــة بيض الله وجهك سيتم تعديلها ان شاء الله

صح لسانك ياشاعرنا خالد فهد واثرك مدوخ الجماعه من بدري الله يكفينا شر اللي به شر

تشكرون الجميعـ ...

الله يجمل حالك

ابو احمد