يابنت من قال الهوي لعب وخداع

نص متواضع اتمنا ان ينال اعجابكم واستحسانكم

من قال لك بن الهوى لعب وخداع=لابالله ان مابه خداعٍ ولا لعب
عند الرجال اهل الوفا جزل الاطباع=اللي يطابق حسها ساير العرب
كل الدروب وساع وفجوجها وساع=وكل الدروب بها حثاله على الدرب
لو كل مجال يعاف لامنه انشاع=اشاعه شينه خرب كوننا خرب
ولا الهوى يابنت للروح مرباع=كل الاوادم مع نسانسه تطرب
من ذاق منه صاع يطمع له بصاع=حتي يغدي حبه له الزاد والشرب
ليت القلوب اللي من الوقت تلاع=اللي مع الصكات تشرق وتغرب
تخضع تحت حكم المحبه وتنطاع=وتدله معه قدام لاشيبها يشب
اما تفز جياع ون صارت جياع=ماهما الا كيف تاكل وتشرب
من لذته حتي تخدر من شباع=طب لها من الهم مايشبهه طب
تدله ولو ذعذع لها كل ذعذاع=وتطرب ولو هب القسا حيث ماهب
يابنت ماكل الحكي صدق لنذاع=ودرب الهوى لو صدق به لعب ماذب
قولي لمن قال الهوى لعب وخداع=يقول ماقلته فهد كذب في كذب
عند الرجال اهل الوفاء جزل الاطباع=مابالهوى خدعه ولابالهوى كذب