ديوان الشاعر سمو الشوق

إليكم هذه القصيدة مع التحية : طــــــــــــــــــار الحجل

~0~
~0~
~0~

طار الحجل واختــفـى فرخه = غلطــان يامطيــّره عــــاني
كم طيّــرت فى الفـلا صرخه = واقفى ورى الطير عقباني
لامن بقي في العشب مرخه = حل الدهر واسنت ازمانـي
بغـــداد مـــا جمّلــه كــرخــه = لولا الرصــافه لهــا شـاني
ساس الهدم يبتـدي شـرخـه = والمبتــدا يتـــعــب البانـي
شد الحبل واوسطه وارخـه = لا تـقـطــعة تعتــبـر جانـي
لو اتضح فى الورى طرخه = صبرك على الناس تيجاني

ســـــــمو الشــــوق

إخوتي الكرام
السلام عليكم ورحمة الله وبركاته
هذه القصيدة بالفصحى كتبتها في عصرية هذا اليوم ولم تأخذ حقها من المراجعة والتمحيص فمن لديه أي ملاحظة عليها فلا يبخل علي ...

سلامٌ مدى الدهـر يا وردتـــي = يفيض بشـوق الهـــوى والألم
تكلـــم شِـعــري على آهــتـي = وباح الصبـــابـــة للمحــتــرم
أكابر بيـن الــورى لوعـتـــي = وأُخفي دموعــاً تروم القِــمــم
فلا الهجرُ يُجدي ولا صــدتي = عُيوني تعامت وسمعي صمم
دَعيني أهيم ُ على وجِهتــــي = ولا تســأليـــني لمـاذا انــكـلم
بخلــتِ بوصـلك يا جـنـــتـي = فلا تحرمينــي متــــاع السـقـم
إذا جَنّ لَيـــلِي علـى جذوتــي = أسامــر شِعـــرِي تَريـــح ونَم
فراحةُ عينيــــكِ من بهجتــي = فلا الحـب يسـوى بدون الشّيم
تسامت حروفي وفي مهجتي = من الشوق ناراً تَصبُ الحِـمـم
تغنى فــؤادي وفي حــوزتي = عنـــوداً وفيــاً تصـــون الذمـم

ســــــمو الشـــوق

إليكم مع التحية

كشفها الجحدلي واظهر خفيه في الضمير تلج = أثاره من شكى بالقلب مآسي جِِـــيد عِبريـــــه
سجينه لوعة العاشق قرار الشعر عنها افرج = وانا ما لوم شكواهم هوى عشـاق عُـذريــــه
ألا يامحمد البـــدران تـــوجد خـــافـقي واسرج = مطايا من قوافي الشعر عليــهن حـط رجليه
أبلـّحق ركبـكم واكتب عن اللي في فؤادي شج = برمحه وانتثر دمي قصــايـــــد شــعر عطريه
انا طيـــري رأيتـه يــوم ببــاب المدرســه درّج = على وقت الضحى طلّت تسوق الرجل حذريه
ثــواني وجّـه النجـلا وهــرول خـاطـره محّرج = دخل فى المدرسه ندمان على نظره رست فيه
قــدرها ساقـــها نحــوي ولا تقـصـد بها بهرج = جفــوله كنـــها الوبــري يشـم القنص والجيه
قمر في منـظـره سبــحان كريـمٍ صوره دجـــج = جيوشه بالسلاح انواع عليه ارمـاح صعـديـه
أبوها من كبار القوم إذا شاف الضيوف ابلج = ومنسب خــالـها معـــروف خصيــمٍ للعدا كيــه
طـرقت الـدار من بـابـه وجــانـي ردهم بحجج = تـركـت الأمــر للمعبــود وانـا عيـنـي رجـاويـه
بعــدهـا حلّـت الأوجاع ودمعي كالسحايب ثـج = سبــرت الوضع حصلته حصل له ماحصل ليـه
صبـرنا بالسنين اربع ولا نسمع جدال الهرج = ودقــوا بـابـهـم عشــره أبـت تقـبــل عنــوديـــه
بعــدها فــرّج الخـلاق وجـاني ردهـم وابهــج = فـؤادي واجتــمع شمــلي علـى ريــمٍ سنـافيــه
تصوّر من عجــاف اربع قصيدي للملا يحتج = أظـنـي لـو فـقـدتـه دوم دخـلـت لحــود مطــويـه

ســــــــمو الشــــوق

إخوتي الأعزاء
إليكم جزء من هذه القصيدة

** روض المحبه **

لي حبيـــبٍ في فـــؤادي دوم ســـاكــن مايروح = لو يجادلني العواذل والأدله مُقنِعَه
كنت اعاني من غرامه بالخفا واخفي الجروح = كم حلومٍ في منامي عذبتني مُفزِعَه
كنت اكابـــرفي أسايـــه واستحــي إنـي ابــوح = وانكشف روض المحبه وصرت اقدم اروَعَه
لو هجرني لو ظلمني لو سلك درب الشطـــوح = اعترف إني احبه وصار قلبي مَرتَعَه
كم تبـــادلنــا الأمــاني كم بنيــــنا من صـروح = صار حلمي وصرت حلمه والقلوب مُوَلّعَه
من رأيته صرت ملكه والهوى امره فضــوح = ماعطاني أيّ فرصه إلا قلبي يشّلَعَه
هالني سمح المُحيا راعي الوجـــه الصَّبــوح = كاد عقلي من جماله يلتقي في مَصّرَعَه
لو تبسم جال عني فى الزمن وجــه الشحوح = وانزرع وجه الصحاري وارتوت من مَنّبَعَه
نظـرته تشفــي فــؤادي كلـــها مـركز طُمــوح = تنتشلني من همومي والأمل في تَزّرَعَه
كل مـا فاضــت مشـاعـر وانطلقنــا بالشـروح = ابحرت شوق المراكب سابحه بالاشّرِعَه
عندما تقسى ظروفي والـــزمن عنــي يشوح = واقفه بنت الأصايل صامده للزَّعزَعَه
لو كتبت الشعر سلوى مهجتي دايم سُمـــوح = تعرف ان الحرِ قهره لو سجن في صَومَعَه

ســـــــمو الشـــــوق

مجاراة لقصيدة عبد الملك الرحيلي ( اقنعيني )

كلِ ماخـايـلت مـن شرقي رَحَــاب = بارقٍ همـال والسيــل اَردفــا
واستراح القلب واقسـم بالكتـاب = غيــر ذاك المـزن مايتبـع قفـا
في ديـار الغير حطت واستطــاب = جـوها والجـفن ساهـر ماغفـا
لابـرق بـراق شــديــت الركـــاب = لو خبــر خـراص غيثك لِي نفى
ياغــزال البيــد يالشـهد المُـذاب = يابخــور العــود ياعطـرٍ لفـى
ياعبــارد ورد غطّــى للهضـــاب = ماتـدوس الرجـل أرضـه بالحفا
ياغــذاء القـلب زاده والشـــراب = من جمال الغِيد عندي مصطفى
يابياض الثلج يابــرق السحـــاب = ياسبــايب وجـد جــوه ماصفا
تشرئـب نفــوس نحـوك والرقـاب = يابـوادر غيـث برقـه رفـــرفا
من دخــل فــي جو حبك يُستتاب = عن رقاب الخلق سيفك ماعفـا
لو تجـــس النـاس ماتلقـى مـــآب = غير انا ياذاك عاشــق للوفـا
راجع الأوراق واجرد فى الحساب = إن وأدت الود قفـا وانطفــى
وان نويـت تعيـد حبــك للصــواب = مايـرد الــروح قـولك آسِفــا
الكـلام ايجــاز ضـافي بالثيــاب = لن أعيد الشرح فى اللي آنفا
ظنـتــي لمــاح مثـلك للخطـــاب = من سطور الشرح تفهم ماخفى
لا أظن الخيــر يُجــزى بالعقـاب = تجرح اللي فيك رحب واحتفى
باكتم الإحســاس راجي للثــواب = ولاتقول الناس مخطي أو هفـا

ســـــمو الشوق