سالم العرم مطلوب . . . .

	المشاركة الأصلية كتبت بواسطة مضحي بن جمران

	صحت السنتكم وبيض الله وجيهكم محاوره جزله من الطرفين الشاعر الجزل الدكتور الصييفي والشاعر الجزل سالم العرم واصلو لاهنتم وامتعونا بهذا الطاروق الكايف

حياك يا مضحي بن جمران
صح بدنك
دمت و دام حضورك

	المشاركة الأصلية كتبت بواسطة سالم العرم

	ان بلشت بعلم سالم تبشر بتحليله = هات علمآ يطرب الحضار ويسليها البدو ما تخيل مزنآ ما يسيل سيله =وانت ما تجهل علوم البدو منها وفيها

ما بلشت، و ما يحير الا قليل الحيلة= ليش سالم كل ما سج القدم يثنيها
كان دار اخوان مريم كثرت تدليله= دار اخو نوره رقيقات القدم تحفيها

نشكر الاخوة اللي شرفونا في مرورهم

صح الله السنتكم وبيض الله وجيهكم

طاروق رائع وشعار رائعين ومبدعين

	المشاركة الأصلية كتبت بواسطة ورقان

	صح الله السنتكم وبيض الله وجيهكم طاروق رائع وشعار رائعين ومبدعين

الله يبيض وجهك ياورقان

الرائع حضورك المشرّف

تحيتي لك

شاعرآ ما تقدره لاتقوم في تقليله = وانته اللي تبدي الطرقه ولا تنهيها
ابدويآ معرف التدليل والتجميله = كني الوسم الخضر لجاء الدير يحييها

	المشاركة الأصلية كتبت بواسطة سالم العرم

	شاعرآ ما تقدره لاتقوم في تقليله = وانته اللي تبدي الطرقه ولا تنهيها ابدويآ معرف التدليل والتجميله = كني الوسم الخضر لجاء الدير يحييها

يا حليل الصاحب اللِّي يفتهم يحليله= مير سالم نرجسياته تبي تعميها
بعضنا لا بدّل بويت الشعر بفليله= ما رعى النعمه و عَوَّد بالشِّعِر يهجيها

نشكر الاخوة على المتابعه وتشرفنا بمرورهم العطر

مابلشنا في مواويل الشعر والشيله =ابتلشنا في عرب تنكر وفاء بناخيها
ثوبي اللي لابسه ما شك في تفصيله = بس ريح سابقك قدام اعقل ايديها

	المشاركة الأصلية كتبت بواسطة سالم العرم

	مابلشنا في مواويل الشعر والشيله =ابتلشنا في عرب تنكر وفاء بناخيها ثوبي اللي لابسه ما شك في تفصيله = بس ريح سابقك قدام اعقل ايديها

من سمعك يقول سالم نافلٍ في جيله= بس هو ما يعرف القصه و لا راويها
الكموم طوال و يدينه مهي بطويله= و كيف يَعْقِلْ من ركاسه في يده لاويها؟