محاوره لجميع الشعراء

احب شم الهواء والدار نجديه
والحب للدار هذي مالـــــــــه احدودي
من غربها لشمال وحد شرقيه
لاقصى الجنوب وغلاها صار موجودي[/frame]

ديرتي دار من يرعي في روس الحزوم ** بالضعن والنياق اللي مربيها
ما نزل في الصحاري دوم غير القروم ** قالته بالمواقف دوم يحميها

هامته فوق رافعها بدون غرور= و خايف الله و يرجي رحمته و رضاه
و ان تِجِنِّي عليه بظلم جا ممرور= يجمد الما بعِزِّ الصيف ما قال: آه

اه من جادل شا هد تها بالنفود** قايد الريم يتعب من يعدي وراه
قمت ادور وانا بسوق غالي النقود**ثم اكز الوسيطه وانتظر في حراه

اهلها طالبين المهر يالشيخ ذود= مثل ذود "الطخيمي" يعجب اللي يراه
و انت يبو مشاري قد الامر و قدود= جمّع الذود و اعطه للبنيّه بعصاه

	المشاركة الأصلية كتبت بواسطة الصييفي

	اهلها طالبين المهر يالشيخ ذود= مثل ذود "الطهيمي" يعجب اللي يراه و انت يبو مشاري قد الامر و قدود= جمّع الذود و اعطه للبنيّه بعصاه

المعذرة على الخطأ المطبعي في اسم الشيخ الطهيمي
شكرا للأخ فواز العمري على التنبيه

الشاعر الصييفي

صح لسانك اخي الكريم

لكن انت تقول الطخيمي هل تقصد الحربي راع الذود اذا كنت تقصده فهو الطهيمي

ارجو ان يتسع صدرك للسوال

تحياتي لشخصك الكريم

	المشاركة الأصلية كتبت بواسطة فواز العمري

	الشاعر الصييفي صح لسانك اخي الكريم لكن انت تقول الطخيمي هل تقصد الحربي راع الذود اذا كنت تقصده فهو الطهيمي ارجو ان يتسع صدرك للسوال تحياتي لشخصك الكريم

مرحبا بك يا فواز العمري

اي و الله الطهيمي

خطأ مطبعي

(الهاء جارة للخاء على الكيبورد)

شكرا لك على التنبيه

انا اقول باب الشعر مفتوح للشعار= وكلٍ يصوغه حسب عرفه واساليبه
يسرح بنات الفكر ويوسع المضمار=ولايجيب شي والي العرش مايجيبه
غشيش البضايع ماتمشاء على التجار=ونظيف السريره مايقف ماقف الريبه
لكن انتبه ياهن لاعطيك كرت انذار=مدامك تشوف الدرب والعلم توحيبه
عليك الردار يديره الماهر البيطار=دراء فيك ياعام البصرقبل تدريبه
تحاول تذيهن وانت اضنك عقيم افكار=تبعت لغرورك لين وقعك بمصيبه
قنصت المحيط تدور اللول والمحار=وخطير ايتعشاء فيك جايع شواذيبه
لك ليال من يمك تجيب الطروش اخبار=ولا كنت اصدق فيه قدام تلفيبه

وراك اخلفت القاعدة يا خالد
اللعبه تبدأ بألف و ها
ما يهم، نبدأ بما أنتهيت به و تستمر القافلة:

بِهْ رجال(ن)تقول و قولها فيه طول=و فيه ماء(ن) قراح و فيه ماء(ن) صري
أما انا حمد ربي فوق ظهر الذلول=أدفع الطيب للطيب و ذاك اخصري
و ثوبي ابيض و بالتايد قِبَلْه مغسول= و امشي براس مرفوعة بمد بصري
ما درينا عن اللي ما يعرف الاصول= و لا حسبنا حساب اللاش و العنصري