محاوره لجميع الشعراء

اهديت لك باقه ماهي بأي باقه=باقة يبي يلقى بها العبد له ذخر
ابن آدم لسانه عروقه دقاقه=وتلقى كلامٍ يشبه النحت للصخر

خربتها مع المخاليق لاشك=مع خالقي ابقى قوي العلاقه
الخلق ماتملك على المرجله صك=يبين جري السابقه في سباقه

هقوة رجال العرف ياسادة العرف***تبقى كما هي لوتبي تتبع الاثر
تاصل لها وان شفت متعلق بجرف***شعرالحداثه بعضه يبطّن بنثر

	المشاركة الأصلية كتبت بواسطة بدرالمزيني

	هقوة رجال العرف ياسادة العرف***تبقى كما هي لوتبي تتبع الاثر تاصل لها وان شفت متعلق بجرف***شعرالحداثه بعضه يبطّن بنثر

صح لسانك يابدر المزيني بس اخليت بالشرط
وضعت الهاء قبل القاء والصحيح القاء قبل الهاء

ثروة الرجال ماهي فالدراهم=الثراء والله بجزالاتٍ بقني
ثروة الوافين لازارو ثراهم=من ملكها مطمئنٍ مرجهني

نية الرجال تقعد في طريقه***لومشى تمسك يدينه تقل فخ
لويقول انه من انساب عريقه***كل طير قد مايقدركفخ

فخرنا الاسلام مع سنة نبيه=من تبع هدي الرسول يطيب فاله
انتهت معاد فيها جاهليه=من سلك له درب ثاني عزتاله

له لسان(ن) سليط يلوط اذانه= و ان بغيته بفعل(ن) صار دجّه
مثل هذا عسى يِقطَع لسانه= ما يجي منه خير، الله يرجّه

بيض الله وجيهكم
شعار مبدعين
وابيات لاتخلا من الحكم والكلام الثمين
ومشاركه متواضعه على عجاله

جهز القرطاس ما ابغا الجهازي=الورق اوثق على مر الزمن
من يسجل طيبه بالطيب فازي=ومن يقول الخير للعليا ظمن

من يقول الخير يكسب له حساني= و من سعى بالشر يجني سيئاتي
و من بدرب الطيب شيَّد له مباني= بعد موته ما يقولوا فلان ماتي