( كل انسان له الحق يفتخر بنفسه بدون ان يجرح احد )

ط
ب
ي
ع
ت
ي
م
ن
ي
و
م
ر
ب
ي
خ
ل
ق
ن
ي

مجرح شعور الناس مااتحاقر النـاس = طبيعيتـي مـن يـوم ربـي خلقنـي
حساس واتعامل مع الناس باحسـاس = والله من امراض التغطـرس عتقنـي
امشي مع الطيب ولا اخاوي انجـاس = والصدق من عمر الطفوله عشقنـي
واوزع البسمه وانا اواجـه البـاس = اكتم همومـي لـو زمانـي سحقنـي
مشكي على مخلوق لو عشت بافلاس = اشكي على اللـي بالتوكـل رزقنـي
والجاهل اللـي دق للشـر مـرواس = عنـه اتغاضـا لـو بشـره لحقنـي
ابحث عن اللي فيه مفخر ونومـاس = وحبـل المراجـل بالوراثـه وثقنـي
ولا اقبل علي الليل في ظلم ودمـاس = والوقت فـي نـار المأسـي حرقنـي
اللقا سلايه بيـن حبـر ٍ وقرطـاس = لاقمت اعبر عـن عـذاب ٍ عمقنـي
اسري بهوجاس ٍ واعـود بهوجـاس = عن واقعي شعـري ابـد ماسرقنـي
ولا اسب في شعري ولا اعادي الناس = يشهـد علـى ماقـول رب ٍ خلقنـي

الشاعر / خالد بن عبيد بن معتوق ألأحمدي