البـارحـه هـاجـوس قـلـبـي لـعـبـه

البـارحـه هـاجـوس قـلـبـي لـعـبـه= لعبـة صغيـرِ فــي جـديـد العابـيـب
بـيـضـة عـقـيــم والـديـنــه تـحـبــه=ابوه بشربه عقب بين الشيب
من عقب ما ايس من علاج الاطبه=ومات الامل حتـى بطب الانابيـب
اليـوم يلـعـب بـيـن حـجـره وعـبـه=رزقٍ من الله سايقه عالم الغيب
هاجوس طق اليانعات المنبه =طقـة عصافـيـر النـخـل للمذانـيـب
اسباب من شوفه غدا لي سبه= في حالة تصعب على حالة الذيب
في ليلة ٍ برد الشمالي يهبه = ومن الطوى يقنب بعال المراقيب
غروٍ كلامه شهد سدرٍ يصبه = من مبسمٍ يتقن جميع الاساليب
غدا بقلبي لون طيرٍ تنبه = حزة عشاه بحوم عكف المخاليب
يصيح له راعيه واسمه ينبه= وعليه فزع كل ربعه طلاليب
وخلاه عقب الشمس غابت وكبه = دسه معه والطير معه المقاضيب
مثله غدا با القلب والنار شبه = في خافقٍ خلا ضلوعه مشاهيب
جنا علي الله ربي وربه = ماتنظرون بحالته يا معازيب
اما يواصلني بحبه وحبه = والا يعالجني من الجرح واطيب
طاغي دلال وخسر كفي يضبه = منتوق عنق مرتب الجسم ترتيب
وعيون لعيوني متاهات غبه = يسبح بها شوفي عن الناس واغيب
لبه ولبا البابه المستتبه = ولبا جديلٍ كنه اليل يا سيب
على المتون وياصل اطراف تبه = تدب دقاق الساق با الحمل تاديب
وقفت اناظر فيه كني مشبه = لو ما يشابه لابسات الهناديب
متميز فيه العذارى تشبه = با البس والا الزين خلق ومواهيب
قفا عقب بين سلوك المحبه = وقفيت اسير الدين والعرف والعيب