للبنوتات فقط .. .

لا تحسبين العرس بوفي وكتكات
ولا تحسبينه توكس والا بونتي
ولا تحسبين العرس كيكه وطرطات
وصله قطعتيها ووصله بلعتي
ولا تحسبين العرس تصفيق واصوات
وانتي على صوت الغطاريف همتي
ولا تحسبينه كوشه ولمبات
وانتي كما الطاووس فيها جلستي
ولا تحسبين العرس احلام في المبات
ياما بنيتيها وياما هدمتي
ولا تحسبين العرس روحه وجيات
هيا اقضبي بيتك عسى ماانهبلتي
ليله جميله وانتي احلا الجميلات
تشخص عيون الناس اذا حضرتي
و(الاينر)حطيه بلا زيادات
ولا يخرب المكياج اذا دمعتي
و(المسكرة) تحتاج الى لطف ومدارات
حتى يبان ازين اذا غمضتي
(والاسبريه )رشيه حتى البصيـلات
يمسك شعرك زين ولو كان زدتـي
وترى(المحدد)فن يحتـاج رسمـات
يبان رسمـه زيـن اذا ابتسمتـي
العـرس يابنيـة ماهـو شعـارات
تفنـى مراسيمـه وتبقيـن انتـي
ويبقى شريك العمر راعي الطويلات
هذا هو العرس الحقيقي عرفتـي؟
اول نصيحة لـك حفـظ الصلـوات
صلي العشا والفجر في كل وقتـي
وفي ليلة العرس الموفق وبالـذات
ادعـي الكريـم الله اذاسجـدتـي
والتعري لاترضين عند الكوفيـرات
ولبسك يملـي العيـن اذا لبستـي
واللي على زوجك تحرضك مـرات
ارجـوك شوتيهـا شوتـت بلنتـي
والصبر في العشرة حتى على فتات
ياماحـلا فعلتـك يومـك صبرتـي
واذا حفظت السر مـع المـدارات
زوجك ترى في عيونه انت كبرتـي
والسوق يعني هاه وقت الضرورات
والاتـرى زوجـك يـدور لمفتـي
زيدي الغطاية وكثري في العبايـات
والله يرضـى عنـك اذا ستـرتـي
أوصيك بالكبسـة وكثـر اليدامـات
حتى لوانـك مـن سببهـا متنتـي
وخلي الرجيم اللي فشلت في مرات
سويـه مـرة واحـدة لا ولـدتـي

والسوق يعني هاه وقت الضرورات


عاد هاذي من المستحيلات


شكرا لنقلكـ ماخذين خبرات من اللى حوالينا

	الله يـعـطـيـك الـعـافيـــــــــــة بيض الله وجهك

ههههههههههه

قصيدة نايس من قلب واحد محروق ...

بجد مشتهية باونتي ...

صميم الذات والحب الباقي
شكراعلى المرور.
.
.
اختي ( لمعة الجليد )
بالهنا والعافيه .

مشكور اخوي

وهذه حال كل الحريم الله يعطيهم الصحه و العافيه

بدون اسواق ما نعيش وهي شي ظرور

الأخ الأستاذ

مشكور على جهودك المفيده

هذا الكلام ولا فلا

بارك الله فيك

تقبل تحياتي