غير مسجل اوحيت رؤس اقلام ثم استشكيـت

16-07-06, 01:28 AM

اوحيت رؤس اقلام ثم استشكيـت=من رؤس ربعاً بالخطاء ما ابتهتها
واوحيت ثم اوحيت لكن تغاضيـت=اذني تقول اهروجهم ما اسمعتهـا
كله عن المشروه وحسوف ياليـت=اما انتهت والى فقشـت بلاحتهـا
ناساً تقص ادروبهـا بالكباريـت=ولولا الكواكب ما جمعهـا نعتهـا
لاعلم له مصدار صـح وتثابيـت=ولامستريح ولافقـدت احسغتهـا
اهروجهم برمز حـروه وتوهيـت=وانا ماني شفقـاً علـى خاتمتهـا
افهم مقاصد زيد وعبيـد وبخيـت=ما فيه هرجه مـا نفسـر لغتهـا
لكن اطوف زايف الحكي ما اوحيت=والسلافه ترجـع علـى سابقتهـا
قدام لاتفـرح علينـا الشماميـت=والى عسى الشجره تحت اورقتها
ولو كنت مخطي ياهل العرف ثنيت=والفايته ما تنلحـق مـن فوتهـا
لاكان يا عصم الشوارب بها ابليت=اهـل النمايـم شرهـا بلسنتهـا
والسبه الي بدجـى ولـع الليـت=نفسه ومرها ابليس واهفى بختهـا
ويبي يشب النار راس الطواغيـت=من حيث ما يقدر علـى سامعتهـا
تبي تسوي يا اشهب الوجه تشتيت=والعارفـه مـا تنخلـق مشكلتهـا
مهما تقول يقال ويقـال ووحيـت=متبـادلاً بيـن العـوارف ثقتهـا
الي لهم بطايلـه والوفـاء صيـت=نفسـك تخولـك مثـل منزلتهـا
ماانته ملاديهم على الشد يا سبيت=والي رفع سبعـاً وسبعـاً تحتهـا
لاركبت قحط السنيـن السواحيـت=وضاقت عليك انته وملك سعتهـا
ما انته لـديٍ للجمـال الزناتيـت=يمناك ما تلحـق علـى طايلتهـا
جاك الكلام وطخ راسـك بحليـت=وانته بخيص في سبـب واقعتهـا
يا لي تخيـل للبـروق وتحريـت=المزنه الغـراء وطتـك اهدبتهـا
تبي تذب الريع ما عنـك صديـت=ولاتنقل الرديـان حمـلاً بحتهـا
والا تسايف لاشهرتـك ولاعنيـت=النفس شاورها علـى مصلحتهـا
لاموح مزح ولا ملاجـد سرابيـت=شلف يوقيها النحـر مـن نحتهـا