سليمان القصيري و حزام العصيمي

الاخ رفيع المقام
تسلم على نقل محاورات الشاعر المضلوم سليمان القصير حسب كلامك
ولوفيه شمس اطلعت من امس
سليمان مهرج او مضك بلاصح والله اني احضر محاوراته على شان اضك فقط
والدليل ان ما كتب محاوراته الا انت شعلك واحد يساعدك
بعدين تتهم الناس بحسد سليمان وش عند سليمان على شان يحسدونه الناس
صدقت له ثلا ثين سنه ولاتعداء القصيم

نادر الحربي
الله يبارك فيك وشمسه مشرقه وعلى قوليتك تحضر عشان تضحك لانك انسان
غير متذوق للشعر وانا لا الحقك لوم واحضر محاوراته واضحك على راحتك
واطنخها واوراء العمر الا الزوال
وانا قبل دخولي لهذا الملتقى وانا شايف مايجري هنا ولكن لو اوضف للي كاتب
يكتب عندي وش رايك وامشي لك راتب

ياحليلهم قامت تطلع حرتهم على واحد واحد!!!!!!!

	المشاركة الأصلية كتبت بواسطة نادر الحربي

	الاخ رفيع المقام بعدين تتهم الناس بحسد سليمان وش عند سليمان على شان يحسدونه الناس صدقت له ثلا ثين سنه ولاتعداء القصيم

عزالله إنك صدقت يانادر

ههههههههههههههههههههههههههههههههههههههههههههههه
ياحليلكم بس خلو من وقتكم للمحاورات القادمه وجهزوا اقلامكم

	المشاركة الأصلية كتبت بواسطة رفيع المقام

	محاوره بين ابو مشعل و حزام العصيمي في مزاين حرب مرحبا ياقبايل عند حرب القبيله = حرب ربعي وانا ابن حرب مثلتها ابرقي يابروق وخيلي يامخيله = المزون السديده خلتها خلتها البقاء بالمرحب عد وبل المخيله = نعم في حرب واللي قلتها قلتها والمخايل من المنشاء تراها ثقيله = ان تباطيتها والا تعاجلتها مرحبا يالعصيمي وانت نادر فصيله =وكان كبرة حمول الزمل حملتها خل بعض العلوم وهات لي الجميله =دون بعض العلوم العام قفلتها لك فصيله ونكشفها على اهون وسيله = شفتها بالدفاتر يوم سجلتها العرب يعقدون افراح في كل لليله =والبلا بالحموله كان ماشلتها نعنبوا من يمدك باليدين البخيله =كنت ابيها تريض وانت عجلتها يعرف الفارس اللي فوق ظهر الاصيله =اذهن الكلمه اللي قلتها قلتها خابرك مانت جايب حاجةٍ مستحيله =انتبه لرساله كان مارسلتها لا تحيل ترى ماعاد بالامر حيله =كان صارت بدون عقال عقلتها مايعل القلوب الا النفوس العليله =لا تراهن عليها انت ما طلتها جيب للقهوجي فنجال من جنزبيله =حكمةٍ يالعصيمي منك سجلتها كان مافاد معك الامر نلقى بديله =شفتها مايله لكن عدلتها قالوا الناس به شاعر يبيع البليله = قلت هذي حقيقه ماتوصلتها خل راسك تحت شجره ضليله ضليله = انت ماتدري انك ملتها ملتها الهزيله ترجع يم راع الهزيله =العرب صاحيه ياللي تغفلتها البحر ياطويل العمر غير السميله =انتبه لعملاك ان كان عاملتها ماش دعوً قصيره كل ابوها طويله =خلها فوق قمه ليش نزلتها لليلةٍ جابتك تكتب عن الفين لليله = من يشيل الجنازه بعد غسلتها ودمتم سالمين

رفيع المقام
الله يرفع قدرك ياولدي ايشبك متعصب و متعنصر و تنصح عن العنصرية و العنصرية واضح من كتابتك و مملؤه بها0
حمود الغيداني ماقال شئ بحق الشاعر/ سليمان القصير . وجهة نظر فقط
و على ماقيل إختلاف الرأي لايفسد للود قضية ياولدي0
سليمان القصيري هذا صحيح شفناه في مزاين قبيلة حرب فقط و لكنا لانعرفه قبل .
نعرف من شعراء حرب :-
1- راشد السحيمي 2- لهاب الوسيدي 3- علي الحصني 4- محمد الربيقي
جبر الزبالي 5- معتق الحربي 6- فلاح بن صياف ظهر مؤخراً ظهور مشرف0
اما سليمان لم نعرفه من قبل 0 و عند تصفحي محاوراته اللي أنت نزلتها أجد بها الركاكه و تفويت المعاني أحياناً0 وكما ذكرت ياولدي أين سليمان منذ ثلاثون سنة انت تقول 30 سنة يلعب يعني عمره الآن أعتقد بالستين الله يعطيه طولت العمر ـــــــــــ أرجوا ألا تنفعل ياولدي و تهدي شويه0
فيه شطر من البيت التالي:-

مرحبا ياقبايل عند حرب القبيله = حرب ربعي وانا ابن حرب مثلتها

لاحظ الشطر الأول أيش قال (( مرحبا ياقبايل عند حرب القبيله)) ثم وقف ,, القبيلة أيش ،، من المفترض أن يكمل بالشطر الثاني و يقول القبيلة اللي فعلها كذا و كذا ,,, أما هو قال عند حرب القبيلة فقط و هذا يضع 90 علامة استفهام ؟؟؟؟؟؟؟؟؟؟؟؟؟؟؟؟؟؟؟؟؟؟

مفرص ابن ماص
ونحن ماقلنا شيء لكن وجهة النظر الخاطئه ياجد ينظر بها
وبابنسبه لمعرفتك لسليمان ماكون من عيال حرب ان كنت لاتعرفه قبل المزاين
والعوذيل واجد واتمنى ان ارى شعراء وقوى من سليمان القصيري
دامك تعرف محمدعبيد فانت تعرف القصير لان اغلب حفلاتهم سوء وخاصة اثنا
ضهور محمد عبيد وجمهورهم واحد لانهم بالقصيم
وشعراء حرب ليس فقط ماذكرت فهم عد واغلط
ولو صنفناهم واسأل الشعار انفسم ماذا يقولوا
ستجد الاجابهم
بالنسبه لي انا شخصيا واسألك متى عرفنا النجم راشد السحيمي ؟
انا لااعرفه الا من بعدعام 2000
وهذا خطا منا وعدم تشجيعنا لشعراء

ــــــــــــــــــــــــ
واخير تراكم لهتوني وانا ماني فاضي لكم وسليمان والشعرا الكبار بدري عليكم تعدلونهم بالبيوت
ثاني انا اذا نقلت محاوره اكتب المحاوره كامله بيت بيت
لاني قريت محاوره لاحد الشعراء وكاتبيبن النجم اللي مدري وش فيه وهو نجم ولكن واضعين
مرده هو فقط ورد الشاعر تمسحونه ليششش يابابا ؟

أســــــعد الله مساكم

صــــــــــــــحت ألــــــسنة الشعااااااااااااااار
ولاعدمــــــــــــتك ياابو مشعل


بيـــــــــض اللــه وجهك يارفيــع المقااااااااام
على جـــــــهودك لإبــــــــراز شعــراء القبيله المظلومــين
امــثال الشاعر القدير:سليـــمان بن صالح القصيري


كمــــا اهــنئك على ذائقـــتك الفريده

((واما قضــيه التسريه فليست معــيبة بالشـــاعر وكــــــبار الشعار يسرون وعاااااااادي المقصد المعنى وليس الألفااظ )) (( ويذكرني حادث حدث حيــنما سرى شـــــــاعر الخليج الأول
صياف الحــــــــــربي قافيه في إحدى ملاعبه رد الجمهور عليه انها ســاريه فقال رحمه الله:: تــــــصبح بالمدينه إســـتهتاراً منه بمن قال انها ساريه أي لايهتم بهذه الأمور إلا من ينقصه المعنى والثقه ,وألزم الصف بشيل البيت وهو سااااااري ))


(( ويــاأخي من قلت أن ابو مشعل لا يملك شـي,فقد ظلمت نفسك بهذه الكلمه
ابـــحث عن ملاعب ابو مشعل مع الشــعراء البارزين من القبائل الأخرى أمثال عبدالله العير رحمه الله وفيحان القعياني وعبدالعزيز العااازمي وستجد أنه صـــاحب وقفــه وعـــــده رهـــــــــــاوي 0 وانا على يقين انك قلت هذه الكلمه من قلة معرفه ولو كنت تبخص الشعار والشعر الحقيقي والمحاروه نفسها واسسها لما قلت ذلك ))
والــرجوع إلى الحــق فضيله والعذر ليس عيبـــــــا 0وتبقى غالي وإبن عم غاااااااااالي
===والحقيقه انا عــاتب عليكم أشــــد العتب اخواني حرثتوا من مشكله من لا مشكله وانتــم أبـــــــناء عم وإخــــــوان -والواجب إن المهزله هذي ترفعون انفسكم عنهاا0
فلك منــي يارفيع المقام أجــمل وارق التحـــــــايا
وللأخــــــــــــــوة الأعضاء الكرام

.
.
.
الله يبارك فيك يا رفيع المقام..
جهودك مشكورة وسلمت يمناك على
هذا الجهد و الشاعر سليمان القصيري
يستاهل ..ونحن متابعين لسلسلة مواضيعك
الشيقة للتعرف على هذا الشاعر الذي
يحظى بجماهيرية جارفة في منطقة القصيم..
ولا شك ان له بيوت فريدة من نوعها و تعبر
عن مدى الموهبه التي يملكها..







شكرا لك