<< شاعر الخليج >>و أنته وليـد لمسفـره مـن سفيـر

أنا و أنت فالميدان و السيف محـدود=و أضن الدواء يبري القلوب الوجاعي
اللي يجـي متبـوع و يـروح تابـع=لعل يده تـروح مـن غيـر أصابـع
ياشاعـرٍ ضـاري بجمـع الطوابـع=اللـي يتبيـه العيـن تتعـب وتلقـاه
لقيناك رأس الريع و الريـع مسـدود=و ضيعتـهـا لعلـهـا للضيـاعـي
عند أختلاط الليـل ظلمـا و قمـراء=العبد الاسمر يشتري بنـت سمـراء
و أنته وليد أبيض و جبهتك حمـراء=و اللي تبيه العيـن تسهـر و تلقـاه
لقينا في ضلع النير تسعيـن نمـرود=وتقدر تجي وتروح من غيـر راعـي
أثـرك ليـا صنفـت مافيـك حيلـه=لـو تلتـوي بطويـق تقـدر تشيلـه
لكـن تحـداك السيـوف الصقيـلـه=واللي تبيـه العيـن تسهـر و تلقـاه
وألا يالسحيمي جمع النقص و الـزود=وبكره تضيق أبك الدروب الوساعـي
يالشايب اللي كن جسمـك معرمـش=وجهك من أحداث الليالـي تكرمـش
أسمع كلامي لـو مارمشـك أرمـش=و اللي تبيه العيـن تسهـر و تلقـاه
أضن الوجيه البيض ماتقبـل السـود=لكن الجبـل دونـه تحـول الأفاعـي
أنته وليد اليـوم و الصبـح مـاأدري=الظاهر أنك تضـرب البـاب بـدري
و إليا أنشدوك تقول أنا ضاق صدري=و اللي تبيه العيـن تسهـر و تلقـاه
معك بندقٍ عوجاء و ضباط و جنـود=و لكن أسفركـم فـي نقـلٍ جماعـي
ياطـول صوتـك فالمكـان المفـرش=والظاهـر انـك يالعتيبـي تـحـرى(أش)
قامـت جرابيـع الدفينـه تـمـرش=و اللي تبيه العيـن تتعـب و تلقـاه
ترانا نعرف الوزن و النقص و الـزود=و بعض العرب فبضاعتـه مايراعـي
أنته ولد من عام خمسـه و ثمانيـن=و اليوم ياحبحب تحـت حـد سكيـن
تبـأ تفرنـك ميـر حـنـا معيـيـن=و اللي تبيـه العيـن تسهـر وتلقـاه
يدور الفلك و الناس صايد و مصيـود=ياراع السفينـه لايطيـح الشراعـي
الله لايثنـي علـى الحـوت و أهلـه=اللي جعـل صيـاف يومـي برجلـه
هاذي تراها منـك سهلـه و سهلـه=و اللي تبيه العيـن تسهـر و تلقـاه
ترى المشكلة في رأس حامد و محمود=و أخوهم خواجه من توال الرضاعـي
أنتـه وليـد اليـوم تـوك صغـيـر=من شاف وجهـك قـال رجـال خيـر
و أنته وليـد لمسفـره مـن سفيـر=و اللي تبيه العيـن تسهـر و تلقـاه
أنا عارف أنك صرت جمره على عود=تغمض عيونك غصب و القلب واعـي
الحوت صيدٍ عالمـي و أنـت أكلتـه=لكـن دور فعـلـك الـلـي فعلـتـه
فالضب أبـو نفسيـن يـوم أحتفلتـه= اللي تبيه العيـن تتعـب و تلقـاه
و لك ليلةٍ وحدة و لـك يـوم ماعـود=تبطل من الهوشـة و كثـر النزاعـي
لو مسفره حيه تريحـت مـن حـرب=و الله ما ألقاء حربي(ن) ينفخ الذرب
لكنها ماتت و جـو حـرب فالـدرب=و اللي تبيه العيـن تسهـر و تلقـاه
من أول علاك صكوك و ثبوت و شهود=و ذالحين تضحك فاللقاء و الوداعـي
مسرعـك ياصيـاف تنسـى فعولـك=الظاهر أنـك زاد عرضـك و طولـك
تباً السلامـة لكـن ماهـي بحولـك=و اللي تبيه العيـن تسهـر و تلقـاه
إلك بيت بالدنيا و إلـك قبـر ملحـود=تصـد الهجـوم و لاتصـد الدفاعـي
قوم أحمـد الله يـوم جاتـك هديـه=ثم أصبحت نارك مـع النـاس حيـه
ماطورتـكـم غـيـر هالأجـوديـه=و اللي تبيه العيـن تتعـب و تلقـاه
علامك تجر الحبل و الحبـل معقـود=و لا أدري يرد الأمـر و إلا يطاعـي

=
=

صياف
قـوم أحمـد الله يـوم جاتـك هديـه ثم أصبحت نارك مـع النـاس حيـه
ماطورتـكـم غـيـر هـالأجـوديـه و اللي تبيه العيـن تتعـب و تلقـاه
علامك تجر الحبـل و الحبـل معقـود و لا أدري يـرد الأمـر و إلا يطاعـي

	المشاركة الأصلية كتبت بواسطة بواردي حرب

	= =

بواردي حرب
أشكرك على مرورك المشرف

الله يرحمك ياصياف


يمرر على الشعار وأكثرهم مايدري

الله يعطيك العافيه ياحميدان على النقل

والله يرحم الشاعر صياف ويسكنه فسيح جناته

رحمك الله عملاق شعر المحاوره
وشاعر الخليج : صياف الحربي

شكرا جزيل على النقل الرائع

الله يرحمك ياصياف

الله يرحمك ياشاعر الخليج


والله أقرأ المحاورة واضحك ومستمع واقول ياحلالاه يابو فيصل تبي تحرش بصياف مايمدي مايمدي ..

الاخ حميدان

يعطيك العافيه على هذه المحاوره التي عرضت على قناة الساحه وقد حذفت منها ابيات كثيره لصياف وكان هذا هضم لحقوق صياف ولقبيله حـــــرب كافه للاسف لم يتدخل احد من ابناء حرب وايقاف العرض الغير منصف ............