يصعب علاجه في (مشافي أوروبا)

سقم الهوى مايكتشف بالتحاليل= واحتار فعلاجه جميع الاطبا
يصعب كفاحه بالأبر والمحاليل= حتى ولو زرنا مشافي اوربا
عسى عوضنا بالليال المقابيل= حنا قنعنا من فراق الأحبا
ياللي هويت الحب كله غرابيل= ريح المأسي في حياتك تهبا
ترمي فؤادك بالعنى والبهاذيل= وتعيش روحك وضع مايستتبا
وتعيش فالدنيا بليا محاصيل= في عالم الأحزان مجبر تنبا
قبلك ترى قيس انذكر بالهماليل= والياس طفل ٍ في ضميره تربا
خذ مني الموجز وخل التفاصيل= خذها من اللي شاب وهو تو شبا
اهل الهوى اجساد مثل التماثيل= رغباتهم صعبه وصعب ٍ تلبا

الشاعر / خالد بن عبيد بن معتوق الاحمدي

صقر المراقيب

صح لسانك و بيض الله وجهك

مشاركاتك دائماً متألقة

بيض الله وجهك صقر وصح السانك قصيده جزله الله يعطيك العافيه


لك ارق واجمل التحايا

يصعب كفاحه بالأبر والمحاليـل
حتى ولو زرنا مشافـي اوربـا

صح لسانك

ياخالد

عطاك متواصل

ومجهودك رائع

بيض الله وجهك يابن العم

حميدان العوفي التألق دائما ً في حضورك
حريح الفرقا........... تحيا ودوم يابن العم
والف شكر لك ياعيسى العوفي

صح لسانك وعلاء شانك ياصقر المراقيب لاهنت وافيه من راس وافي بيض الله وجهك يابو عبيد على هالرائعه سلمت ودمت ولك مني صادق الود والتقدير

الشاعر/ خالد بن عبيد بن معتوق الاحمدي

لله درك

وبيض الله وجهك

ياسلام على هذا الأبداع

لك اجمل التحايا

ودمت بخير

اهل الهوى اجساد مثل التماثيل
رغباتهم صعبه وصعـب ٍ تلبـا


لله درك من شاعر


سجل إعجابي

شكرا ً لك ياشاعرنا القدير ................... مضحي بن جمران
اسعدني وشرفني مرورك

مشكووووووووور
اخوي /
ابن خير الله الردادي