][..أقــولهــا أو ما أقــولهــا ..؟..][

,
,
,
السلام عليكم ورحمة الله وبركاته
,
,
أسعد الله أوقاتكم جميعًا
,
,
,

البارحة ياسيد أفراحي ومستعبد غلاي= تشَر على الحاجة يديني ماقدرت أقولها
على طرف راس اللسان وماتترجمها شفاي= أحاول أضرب عينها لكنَي أضرب حولها
أقفيت مارديت لي مع السلامة باي باي = أخطيت مااصبت الهدف ماهو بهذا أصولها
الكتف ماتوكل كذا ولا كذا تجزأ وفاي = فتح عيونك لا تتيه ويختلف مدلولها
وش عذرك اليامن بغيتك ماتقدرت وعزاي = الذكريات اللي معي ماينتهي مفعولها
أذكرك يومك بالصبا يا ويييلي وهذا بلاي= امن الصغار اللي توجُه للغرام اعقولها
هرجك مثل طش الرذاذ يهذرف ويروي ظماي = يرش كبدي وأرجي المزنة تهل ثعولها
لأنقاد مثل السلسبيل العذب خفًف من عناي = ذاب البرد بالجمره وقطر قطر معسولها
ياويل حالي وين أقاوم ذكريات ن هي شقاي= تعرض على شاشة خيالي مستحيل أنولها
أغرتني الدنيا وغرتني وهذا هو خطاي= اتهيم نفسي من ورا طبع ن ولو ماهولها
جرحتني ياورد لكن لا تشمت بي عداي = وأنا اللي بإذن اللـــه أسنًد هقوتي وأطولها
أبطيت أردد كلمة ن لو ماتمثل مستواي= أقولها مااقولها لكن جزمت أقـــولهـا
إيوالله انه مالوى ذراعي ولا الحقني مداي= إلا المحبة والمحبة لعنبو مرسولها

,
,
وتقبلوا تحيات أخوكم /
أحــمــد بن نــاحــل
,

الشاعر \ المبدع أحمد بن ناحل
صح لسان ملين لاهنت وبيض الله وجهك

رائعه من رائع
صح السانك وبيض الله وجهك

بارك الله فيك
صح السانك وبيض الله وجهك

صـــــــــــــــح لــــــــــســــانــــــــكـ


بيض الله وجهك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

كلن يقول إن الحرار تحوم فردي في سماي=الا انا شفت الحرار اللي تكاتف جولها
اثرهن صقور القصيد اللي سما فيهن هناي=صقّارهن كفوٍ يصيد النادره ويطولها
إسلم يابو متعب لقيت بجرعة ابياتك شفاي=ترى بيوت الشعر تفخر فيك يوم تقولها

دم بعز وتقبل إجلالي

الشاعر \ المبدع أحمد بن ناحل
صح لسان ملين لاهنت وبيض الله وجهك

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك وسلم بنانك



قصيدة رائعه بروعة حضورك



لك تقديري