لاشفت مطلق و صياف السحيمي جميع=أوصي اهل البلد تنقل مشاعيبها

لاشفـــت مطلــق وصيــاف السحيمي جميع =اوصــي اهل البلـــد تنقــل مشاعيبــها
اللي يعــرف الديَر فــي طرقتــه ما يضيـــع=ابــلاد يصبـح بهـا وابـلاد يمسـي بـها
انتــه تحــب الشـــتاء وإلاتحــب الربيـــع =حنـا نعــز الديَر ونعـــز اصــاحيبــها
عزالله إنــا نســوى فالهــواجر صينع=نصبر لبعــد السفــــر ونروح ونجيبها
اللي عطـوك الوداعه يحســبونك وديع=الصبــح لو ينشــدونك قلـت مدري بهــا
ياصاحـــبٍ تنطح الفزعـــــه بصدرٍ وسيـع=احــــذر علي الرجـــل لاتحفى عرقيبها
لا تعترض للوداعه وانته مشيك سريع =العافيه مع طلوع الشمـس ياطــيبها
حنا نصارع سباع الليل في كـل ريــع =وانتــه مع ام الوليد ويدك في جيبهــا
العافيه مالقاها كل قلب لكيع =اللي ليا ولعت يلحق مشاهيبها
الرابـح اللي محله في المكان الرفيع =دورات الايام مااحد عارف غيبها
إن ماشفع لك محمد ماانت لاقي شفيع=بلاش تركز على البندق ولاترميبها
الظاهر إنك لشيل الحمل ماتستطيع =وإليا لقيت الخفيفه جيت ساريبها
لاانقطع سلك الاذاعه وش يقول المذيع =أهل المكاتيب لايقرا مكاتيبها
ماعاد فالبحر مايملا جراب الجويع =والغبه ليا انتهت ماتت دغاليبها
الطيب الطيب اللي يشتري مايبيع =واللي قطع سلكها ماهو مغني بها

صحت السنتهم

والله يعطيك العافيه

بيض الله وجهك
على المحاوره ونتظر منك المزيد

محاوره رائعه ونقل اروع

صحت السنتهم

يعطيك العافيه

الله يرحم صياف


وسلطان الهاجري شاعر كفووو



مشكور اخوي

بيض الله وجهك يالذيب على هالمحاورة

لاهنت على النقل الرائع
ورحم الله شاعر الخليج / صياف الحربي
وسلطان الهاجري شاعر عذب