( منصور المعمري ) ( زبن بن عمير ) مساجلة شعرية !!

مساءكم سكر :
هذه مساجلة بيني وبين أخي الغالي المحرر المعروف والصحفي اللامع : زبن بن عمير العتيبي ..
أتمنى ان تنال رضاكم :

اليـوم بيـن الصبـر وطيوف الاوهــام= وأحـزان أشتتهـا .. وتجمـع دروبــي !!
يمـر يومـي فــي حسابـاتـي اعــوام= كنـي أحسَـب مـن عـذابـي ذنـوبـي !!
والليـل غيـر الليـل .. والجـرح لاقــام= ( من الوناسة ) قمت ( أنفـض جيوبـي) !!
ياكثـر مايـرسـم عـلـى القـلـب الالام= وياكثـر مايفـرض بوجهـي شحـوبـي !!
ماعـاد خلانـي سـوى جـلـد وعـظـام= إحترت (( مدري كيف تشتال ثوبـي )) !!
كنـي انـا والجـرح أعـدااااء وخـصـام= لاصار يربط في ( نجاحه ) ( رسوبـي ) !!
واللـي خـذاه الوقـت مـن كـف الاحـلام= حزني على فرقاه . . ( أجمل عيوبـي ) !!
لامـر طيفـه قلـت : ( ياحـلـم الايـتـام= ضلوع صـدري مـن فراقـك تذوبـي ) !!
قمـت أتجمـل والعـبـارات ( هـنـدام )= وأضمهـا طيوفـه .. وأنمـق أسلـوبـي !!
لكـن ذنوبـه بالزمـن ( قطـع الارحـام )= وليتـه عـن ذنـوب التجافـي يتـوبـي !!
ووجهـت قافـي يـم مـن يملـك إلـمـام= معـرب الجديـن ..مـن كـل صوبـي !!
مـن لابـة ٍ تاريخـهـا مـثـل الاعــلام= فـوق الجبـال الشامخـات محسـوبـي !!
لـه مـوقـف ٍ مايوقـفـه كــل هـمـام= ولاهو ( مجاملني ) ولاهـو ( كذوبـي ) !!
يازبـن جيتـك والامــل فـيـك قــدام= إلويـن أوجــه يالسنـافـي هبـوبـي !!
انسـاه وانسـى طـاري الـحـب مــادام= أشـوف نـاوي فـي رحيلـه غـروبـي !!
وإلا استمـر عاشـق مـن الوجـد منظـام= والعشـق مـن بيـن الحنايـا يجـوبـي !!
وإسلـم سـلام العـز فـي شـرع الاسـلام= واقبـل تحيـة مـن ( حفيـد الحـروبـي)

وجاء رد ابو عمير رائعاً كعادته :

يامرحبا ترحيبـة الخـاص والعـام= مية هلا مليـون رجـل مهيوبـي
وكثر الاماني.. والمسا.. عد الانسام= وعد النجوم..وعد طفـل يحوبـي
عد الفلك..والفلك..واعداد من صام= وعد الطيوف..وكثر ريح الطيوبـي
ياطيـب طابـت لياليـك بـوئـام= ياعـل ماياتيـك هـم و خطوبـي
منصور يوم انك تجاوزت الالهـام= وسندت لي ياكيف ابلقى هروبـي!
شكيت من جرح الهوى والهوى خام= ونقضَت بي جـرحٍ بقابـه ندوبـي
جرحٍ من اسباب الهوى لي مريـام= يـزود لاهبهـب نسيـم الجنوبـي
اغيب واصحى كنها رفقـة اتـوام= ومن سبته كني جروحـي مشوبـي
يعود كنه من علـى شاشـة افـلام= وكني عليلٍ شـال سيجـار كوبـي
وان كان تبي الراي يانسل ضرغام= حدد مكانـه قلـي فـاي لوبـي؟؟!
او كان مجنب..او هو ابعد من الشام= والا بعد مـن ساكنيـن الخبوبـي
فانـا حزامـك ومتنفَـذ للاكمـام= جاهز معي مفتاح عشـرة جيوبـي
فيهـا اواليـدٍ بنـي عـم وحشـام= وصملاتهم تفرج كبيـر الكروبـي
مافيهـم الجاهـل ولافيـه نـمـام= عتبـان مافيهـم عبيـد الحبوبـي
عطنا تواصيفه وطير السعـد حـام= بيجي رضا والا بعـد ومغضوبـي
يوم انت تنخاني فانا اغيب مانـلام= اشوش لامـن الرجـال انتخوبـي
ابشر بعلم يبهـج الصـدر باختـام= فعل مثبـت ماهـو بسـرد نوبـي
لالاتظـن ان علـى العلـم بانـام= ياخوك مشكلتـي بطبعـي جنوبـي
والحب كل فيـه يالشهـم منظـام=وانا ترى دوبـي ودوبـي ودوبـي
اقطف زهر مالاق والجـو باعتـام= واضرب بمخلابك كبير الخروبـي
يازين مسرى الليل والسـر بكتـام= ومقابـل الغـرو المليـح اللعوبـي
هذا جوابي جاك يانسـل الاكـرام= مترفـع مافيـه سقـط ولغـوبـي
واقبل تحيـات المـودة والاكـرام= من زبن جاتك وانت رجل مهيوبي

وللجميع أرق تحياتي ....

صح لسانك يالذيب ولسانه

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

الشاعر المبدع
منصور المعمري
صح لسانك صح لسانك
قصيده جزله ووافيه
ابياتها درر
كل بيت فيها عن قصائد
بيض الله وجهك
وعسى عمرك طويل يابن العم
وصح لسان الشاعر زبن العتيبي
وننتطر ابداعاتك القادمه

صح الله السنتكم جميعاً




منصور المعمري شاعر لايختلف عليه اثنان ولكن غائب عن الساحه الشعريه آآمل من شاعرنا تزويدنا بأمسياته مستقبلا







احترامي للجيمع

صح لسانك كثر حروفها واكثر والله وخويك العتيبي

قصيدة جزلة بالحيل ، وكل قاف احسن من الثاني .


تحياتي

صح لسانك يابو ثامر
شاعر رائع ومبدع وقصيدة جميلة ورائعة
وصح لسان الشاعر ابن عميير .

صح لسانك اخوي
لا عدمنا ابداعك

صح لسانك ولسان بن عمير الصحفي المبدع

صح لسانك ولسان زبن وبانتظارالجديد

صح لسانك ملاييييييييييييييين



شاعر جزل اطرب لقصائدك



لك تقديري