ربعنا وفيهم كفاية ينوب عنهم من حضر

	المشاركة الأصلية كتبت بواسطة ورقان

	ياسلامي ياسلامي به تحيه واحترامي = للحروب اهل الشهامه من الخليج الي البحر ودنا الليله بشاعر ماني مسمي الاسامي = ربعنا وفيهم كفاية ينوب عنهم من حضر

صح لسانك يا ورقان
ارجو قبولي و ارجو اني منيب متأخر:

مرحبا بك يالمهلِّي لك تحيات و سلامي= ومرحبا في حرب سكان البوادي و الحضر
دام ما حددت اسامي جيت لك يبن الكرامي= ودّي اتعلّل و كلّ(ن) له هنا وجهة نظر

الشاعر القدير الصيفي
شرف كبير لي اللعب معك طال عمرك
صح لسانك وبيض الله وجهك

والبقا لأهل النقاء والحشيمه للحشامي = والوفا لأهل الوفا وكل رجلن له قدر
وانت شيخٍ وابن شيخ رايتك بيضاء توامي= وجيتك فيها الشرف وهذا يكفينا فخر

	المشاركة الأصلية كتبت بواسطة ورقان

	الشاعر القدير الصيفي شرف كبير لي اللعب معك طال عمرك صح لسانك وبيض الله وجهك والبقا لأهل النقاء والحشيمه للحشامي = والوفا لأهل الوفا وكل رجلن له قدر وانت شيخٍ وابن شيخ رايتك بيضاء توامي= وجيتك فيها الشرف وهذا يكفينا فخر

آسف يالربع على التأخير
كنت في سفر و بعيد عن التغطية
أشكر كل من شرفنا بحضوره،
استلم يا ورقان لا هنت:

عل ما يفقدك غالي و لا تفقد منامي= فيك حقك من صفات الرجوله يالصقر
كل هذا من نقا معدنك يا ذا القطامي=و الشرف لي في مقامي مع ناس(ن) درر

ورقان

الصييفي

صحت السنتكم و بيض الله وجيهكم

	المشاركة الأصلية كتبت بواسطة حميدان العوفي

	ورقان الصييفي صحت السنتكم و بيض الله وجيهكم

حميدان العوفي صح بدنك يالغالي

جهك ابيض وشاكر مرورك

ورقان
الصييفي
صحت السنتكم و بيض الله وجيهكم

وبك هلا بعده هلا كثر من صلى وصامي = ونحمد المولى علا سلامات السفر
يوم سافرت الجنوب مدري لم الشام شامي = عطني علمك يوم جيتو وش لقيتم من خبر

	المشاركة الأصلية كتبت بواسطة ورقان

	وبك هلا بعده هلا كثر من صلى وصامي = ونحمد المولى علا سلامات السفر يوم سافرت الجنوب مدري لم الشام شامي = عطني علمك يوم جيتو وش لقيتم من خبر

مرحبا بك يا ورقان
و آسف على التأخير
الإلتزامات و المجاملات في القرى ما تخفاك
إستلم لا هنت:

البلاد اللِّي نصيته لها عشرين عامي= ضاميه و آبار يبَّيس من قل المطر
الله يسيِّل شعابه و يروي كل ظامي= لين يصبح كل عود(ن) على الغبرا خضر

الله الله اللهم امين
وصح لسانك

اعرف الديرة واهلها عقلة الصيفي الهمامي = يحدها درب المدينه يوم ادقق بالصور
وديرةٍ فيها خوالي بجنبها ديرة عمامي = جعلها للغيث يسقيها عقب هذا الدهر

	المشاركة الأصلية كتبت بواسطة ورقان

	الله الله اللهم امين وصح لسانك اعرف الديرة واهلها عقلة الصيفي الهمامي = يحدها درب المدينه يوم ادقق بالصور وديرةٍ فيها خوالي بجنبها ديرة عمامي = جعلها للغيث يسقيها عقب هذا الدهر

شرفتنا يا حسين المعمري بحضورك

حياك يا ورقان
عسى الله يغيث بلادنا و ديار المسلمين.
استلم لا هنت:

معرفه نعتز فيها لها الصف الأمامي= بس ما هي عرفكم يوم قصيتوا الأثر
داري "الشَّعْراء" و "ثهلان" فوق الدار طامي= عن بلد "داورد"* حذفة عصا للي عَبَر

* داورد هي مدينة الدوادمي