(( فراق خلين )) قصيده من ديواني

10-03-08, 05:58 PM

اليوم اخترت لكم هذه القصيده من ديواني الصوتي الاول......

(( فرآق خلّين ))

البــارحه ليـــــلة شتــــا جـــــوّها حـــــار
وليـــــل الشتا من واصــله عـــاش ليليـن

شبيــــــت فيـــها النــــــار بزيـــــدها نـــار
وجبت القلـــم بأكتب عن فـــــراق خليـــن

عن حـــــــالتي لاتنشـــــد انسـان منهــــار
كنّـــــي سكــرجي مع هـــــذوك الموليـــن

ولّــــعت من كرز الديفيــــــدوف سيجــــار
والنفس لـــو طـاوعتـــــها جـبت بطليـــــن

عقب الشمــــوع ورسمي وذيــك الاشعار
عزالله الليـــــــله عجـــــــاج ودخاخيـــــن

ومحبـــــــوبتي من فـــوقها تطش الازهار
جنب العريـــــس ودمعــــها مالي العيــــن

محدن سألها ليــــــش هالدمـــــع مـــدرار
دمـــــعة فرح فعيــــــون كل المســـاكيــن

وش ذنبي وصــــارت لي اليـــــوم تذكـــار
كـــل من ســــألته قال بعديـــــن بعديـــــن

ياليـــــــن نادى المــــذّن بوقت الاسحـــار
وجــــاوبت له واقبــلت مــــع المصليــــن

سألت قال الشيـــــــخ قسمـــــه ومقـــدار
هذا امتحـــــان الله يســـــاعـدك ويعيــــن

وحاولت انا انســـــاها وكثّـــرت الاذكــار
وعجزت لاانســــــاها وذقــــت الامرّيــن

مــــــرّت علي ومــــرّني مثل الاعصــــار
طش الشمــــــاغ وصرت مثل المجانيــن

هـــــــآيم على وجــــهي ولا لي مشـــوار
اطرد غــروب الشمس من وين الى وين

وانا مجــــافي شبل من ذيـــــك الاحـــرار
الحــــــربي اللي يحتــــــرمه الملايـــيـــن

خفّيــت الامر وصــــار هو شغل الاشعــار
وصفّـــــق من جروحي بعـــــاد وقريبيـــن

راجــــعت نفسي والعـــــذر صــار ماصار
لا مااقتنعـــت وويـــــن عذري وانا ويـــن

الله يعيــــــن اللّي على الضيـــــــم صبّـــار
خلّن بــــــلا خــلّه معــــــــذّب ومسـكيـــــن

فاصله

انّي احبك حاول ان تساعدني......فأن من بدأ الافرااااح ينهيها