بمناسبة إعتزاله

هذه قصيدة مبروك بن مبارك العصلاني بمناسبة إعتزاله عن الشعر و تجربة بعض زملاءه الشعراء عند وقت اللزوم

أول الفـال ابتدينـا بالله وذكـر الرسـول=الله الفرد الصمـد سبحـان وزّان العقـول
الله اللي يعلم الاسـرار عالـم وش نقـول=الرسول المصطفى يامن حضر صلوا عليه
ياسلام الله على كل الرجـال الحاضريـن=الرجال اللي تلافوا من شمال ومـن يميـن
ردةٍ مثل الحيـا منتوجهـا تقـوى وديـن=الرسول المصطفى يامن حضر صلوا عليه
كلفونـا مـن ديرنـا ليـن جينـا ربعنـا=ربعنا اللي في العوايد طبعهم مـن طبعنـا
راينا واحـد وهـذا الحفـل كنـه حفلنـا=الرسول المصطفى يامن حضر صلوا عليه
بيض الله وجه ابو عادل ومن حضر الحفل=والكرم والجود ياراعيه من طيـب العمـل
المثل يقول مايشيـل الحمـول الا الجمـل=الرسول المصطفى يامن حضر صلوا عليه
اسمحوا لي يا الحروب انا بذلت الإعتـزال=واعتقدنـا بالله الجبـار عزيـز الجـلال
كلها الدنيـا دنيـه ماتضـوي راس مـال=الرسول المصطفى يامن حضر صلوا عليه
لي يجي خمسين عام انا تعلمـت الشعـر=دون ربعي حامي الماقف مثل ضابط خفـر
كل بابٍ له جواب وكـل علـمٍ لـه سعـر=الرسول المصطفى يامن حضر صلوا عليه
شجعوني حرب ربعي قالوا العـب يابطـل=حظهم مثل الجبـال النايفـة قـول وفعـل
من ثمود وعاد الى حكم السعودي معتـدل=الرسول المصطفى يامن حضر صلوا عليه
ليتهـا ياليتهـا يـوم اتمنـى كـل عيـد=اتمنى عمر صياف السحيمـي مـن جديـد
شاعر الشعار في الماقـف يفيـد ويستفيـد=الرسول المصطفى يامن حضر صلوا عليه
السحيمي رقم واحد والا انا عن شاعريـن=دون حرب افدى بروحي باللسان وباليميـن
والشهاده جابها الله من خيـار الشاهديـن=الرسول المصطفى يامن حضر صلوا عليه
قابلونا من سليـم ومـن عتيبـه والبقـوم=قابلونا من مطير ومن جهينه فـي اللـزوم
ثم اخذنا قسمنا وافي مـن خيـار القسـوم=الرسول المصطفى يامن حضر صلوا عليه
فيه ماقف بالفلوس وماقـفٍ مابـه فلـوس=والعيون ام الرمد ماطابـت الا بالكبـوس
يوم حزات التحدي يوم تقليـع الضـروس=الرسول المصطفى يامن حضر صلوا عليه
راح وقت الشعر من بعد الجبرتي والتويـم=والثبيتي والسحيمي والخضيري من سليـم
مع بطيحان الهديمي راعي الشعر الحكيـم=الرسول المصطفى يامن حضر صلوا عليه
يوم ابن مستور عبدالله وجـارالله شبـاب=والعليّاني سعيّـد والزبيـدي ذخـر نـاب
مع شليويح المطيري والسميري في الجواب=الرسول المصطفى يامن حضر صلوا عليه
مع معيض الجابري راع الوفا في كل حال=والزبالي عايش اللي من متاقيـن الرجـال
والقعيّانـي دخيـل الله حسيـن الإتصـال=والرسول المصطفى يامن حضر صلوا عليه
الشعر عوّد بضاعه زيد يـاراع الفلـوس=والبضاعه مشكلتها من ضعيفيـن النفـوس
فيه شعر بالحلال وشعر بالكـذب معـدوس=الرسول المصطفى يامن حضر صلوا عليه
العرب كلن بفكره كل شاعـر لـه مجـال=فيه شعر يقـال والا فيـه شعـر مايقـال
وينكم ياللي تعرفون الحرام مـن الحـلال=الرسول المصطفى يامن حضر صلوا عليه
ان زهمت الصاحب الأول يجاوبنـي نعـم=وان زهمت الصاحب الثاني كلام بلا طعـم
وان زهمت الصاحب الثالث يزيد الهم هـم=والرسول المصطفى يامن حضر صلوا عليه
ياسعد من فاز لا مـد الصـراط المستقيـم=فاز بالفردوس الاعلى من نعيم اليـا نعيـم
والكفر وابليس واللي يتبعه وسـط الجحيـم=الرسول المصطفى يامن حضر صلوا عليه
فالبدايـه والنهايـه نذكـر الله ذاكـريـن=يالله احسـن خاتمتنـا يامجيـب السائليـن
الله اللي نعتزي به كل وقـت وكـل حيـن=الرسول المصطفى يامن حضر صلوا عليه

	الله يـعـطـيـك الـعـافيـــــــــــة بيض الله وجهك

صح لسانه
لاهنت بارك الله فيك

صح لسان الشاعر الكبير / مبروووك أبو ناب


و الله أنه فقيدة اعتزاله على حرب

صح لسان الشاعر ولكن ابغا اكشف لكم سر بان هذه القصيدة ليست الاولى بل هي الثانية لانه سبق ان اعتزل والقى قصيده اعتزال ثم اعاده ابو مشعاب للمحاورة وستمر اكثر من 15 سنه وهذا الاعتزال الثاني الله يطول عمرة على التقوى ويمتعه بالصحة