روعة لحن بين ابوفياض ومحمد صديـــــق الحربي

مـحــمــد بــــــن صـــديـــق=
يجني علي النظـر و أخشـاه = لا شفت من طرفـه الساهـي
مـــا يـشـعـل الآه تــلــو الآه = يقفـي و أنـا اقـول يــا إلـهـي
ابوفياض=
ذا شـيء مـن قـبـل جربـنـاه = لــه وقــع فالقـلـب متـنـاهـي
ذبـل النواعـس خطـر رؤيـاه = وأخطر منه لانسحب لاهـي
مـحــمــد بــــــن صـــديـــق=
لا تزيد قلب الشجي مشجـاه = يكفيـه مـا شـاف مـن داهــي
الـلـي نـظـر ثـــم نـاظـرنـاه = سهمه أصاب الهدف ، باهي
ابوفياض=
لو ما النظر، ما بدى شكواه = المشتـكـي وقــال يــا آهـــي
جات السواهي علـى مرمـاه = في قلـب مجـذب و مُولاهِـي
مـحــمــد بــــــن صـــديـــق=
ثَـنَّـى عـلـى نظـرتـه بشـفـاه = و أشعـلي النـار فـي شفـاهـي
الـلـي ضمـاهـا تـمـنـى رواه = واتبـع00 نغـم قـده ا لـراهـي
ابوفياض=
مـا هـو غريـب الـذي سـواه = ترجـم صـدى قلبـك الواهـي
نظرتك أرضـت غرورمنـاه = و اقفـى عـن العيـن متباهـي
مـحــمــد بــــــن صـــديـــق=
يحـق لـه لـو تبـاهـى و تــاه = مـن زيـن فـي قمـتـه نـاهـي
رحـل و قلبـي رحـل يـبـراه = تاهـوا عنـي و الفكـر تاهـي
ابوفياض=
هل مـن أمـل فـي أمـل تلقـاه = و يعـود خَـطَّـار متـزاهـي ؟
و لا عـبـر و الأثــر ذكــراه = و الحال بقيت على ماهـي ؟
مـحــمــد بــــــن صـــديـــق=
يـا سيـدي لـو عرفـت حمـاه = لَشِدْ له لو جُـزُرْ ( ساهـي )
لـكـن تـعــذَّر سـبــب لـقـيـاه = إلاَّ الصـدف تجلبـه تجـاهـي
ابوفياض=
لا هاجر الطير مـن مسـراه = مـا يـرده الشـوق و الجاهـي
لكـن طيـف الغـضـي تهـنـاه = مـع دلــة الهـيـل و الشـاهـي

مشكور اخوي الله يعطيك العافيه ننتظر جددك

	الله يـعـطـيـك الـعـافيـــــــــــة على الاخـــتيار المــوفــق بيض الله وجهك

الأخ عبيدالله الحربي

مشكور على جهودك واختيارك

وصح الله السنتهم

وبيض الله وجهك

تقبل تحياتي