محاورة لصياف السحيمي وعبدالله بن شايق

محاورة من العيار الثقيل بين شاعر الخليج / صياف السحيمي رحمة الله والشاعر/ عبدالله بن شايق

صياف =
سلام ردة للرجال اللي نعرف فعولها = أهل الشرف وأهل الأدب وأهل السلوم الغاليه
هذي علوم ً ثابته واجب علي أقولها = تحت السماء برق و رعد والأرض ماهي خاليه
ابن شايق =
يامرحبابك وانت لك يمنا ً عرفنا طولها = ياللي نطقت الأوله وشلون جبت التاليه
أنته كليت اللقمه اللي بان لك مفعولها = مير انتبه من لقمة ً مره ولاهي حاليه
صياف=
لاوالله إلا جاتنا بقعاء تسج سيولها = لكن مادري من يجيب السيف والخياليه
لديت عينك يمها والناس مالدولها = واللي مايعرف موقع القصيه يجيب مواليه
ابن شايق=
لاوالله إلا جات بقعاء يقطع الله زولها = إبشر بسيف ذياب لين تروح نفسك ساليه
أنته بعقلك يالسحيمي والعرب بعقولها = وبعض السوالف تجرح العقال والجهاليه
صياف=
أخذ عشر لفات بالكعبة وخلك حولها = لاتكبر الدله عليك وتكسر الفنجاليه
هرج الشرف مايجرح ديار الشرف ونزولها = ماني من اللي يارد الجمة بغير حباليه
ابن شايق=
أن كانها متعقده عندك نجيب حلولها = أنا تراي أعرف خروج البيت والمدخاليه
ماني براع الخبزه اللي ردها في فولها = وأنته تعرف المرجله وتجود الرجاليه
صياف=
اللي يعقد أسرارها يمسك علاّق حلولها = أتجيه روسً واطيه واتجيه روسً عاليه
الناس شافوا جمرة ً حمرا ولا راحولها = واللي يخاف من العجم عساه لـ السلاليه
أبن شايق=
بنت الهواء باعتك يالحربي وبعت حجولها = تبغا تشيل طويق مير طويق ماينشاليه
إن كان هذي معرفتكم مانبي محصولها = أفلح قبل ياتيك من كفي عصا وعقاليه
صياف=
أنا مجود راسها والناس تحت رجولها = مايعترض فالحلق غير دلالت الدلاليه
أن كان معك مهولها قحطان تمسك هولها = الناس ماتحسب شهر واحد بغير هلاليه
ابن شايق=
ماني مثل ذيك التيوس اللي تهز ذيولها = إدلالتي ذا الليل لو تزعل دفعت رياليه
أن كان حرب أهل الحجاز يقودها مهبولها = حنا قبايل نجد مانرضى خطا وهباليه
صياف =
أنته تدور للعلوم ولاتعرف أصولها = أشوف عينك يالغليم تقل راس خلاليه
واجب على أخاطب العالم بقدر عقولها = يمدور المكسب معي ياليت راس الماليه
ابن شايق =
شهّد على نقض المعاني وأعرف لمفتولها = العلم من صوبك وانا النقاض والفتاليه
الله يعيد ألك احلول اللي نسيـت حلولها = حتى تعود ما لبسـت ثويبـك التفصاليـه
صياف=
ماني مغير حفرة الزهلول عـن زهلولها = لا والله ألا كثرت الهرجات والأقواليه
الليل حطوا حاجة الهندول في هندولها = ماني مزعـل صاحبي وأزعل الرجاليـه
أبــــن شــايــق=
يا والله اللي قامـت الدنيـا تزيـد خبولهـا = يالله تعوض بخير يا محيي العضـام الباليـه

وهذة المحاورة بالصوت


وللتحميل على هذا الرابط
صياف وابن شايق


وسلامتكم والمعذره لعدم المعرفه التامة بتحميل الصوت[/align]

وانت سالم

وبيض الله وجهك يالذيب

.
.
.
.

واجب على أخاطـب العالـم بقـدر عقولهـا=يمدور المكسب معـي ياليـت راس الماليـه

.
.
أنا اشهد أنه ما أحد حصل على رأس ماله مع صياف الحربي
رحمة الله عليه
.
مشكور على النقل أخوي / عبد الله السليمي
.
.
.

صياف بحر الله يرحمه صعب السباحه فيه
لاهنت الله يعطيك العافيه

	الله يـعـطـيـك الـعـافيـــــــــــة على الاخـــتيار المــوفــق بيض الله وجهك

بيض الله وجهك والله يرحم شاعر الخليج صياف الحربي

,
,
,

محاوره رائعه ونقل اروع

صحت السنتهم

يعطيك العافيه

الأخ عبدالله السليمي

بيض الله وجهك نقل رائع يعطيك العافيه

تقبل تحياتي

بيض الله وجهك

والله يرحم شاعر الخليج صياف الحربي

صح لسان شاعر الخليج/ صياف الحربي