الليل ياراعي الحناكيه

مستور =
يالله ياللي تجلي الهم والغم=قالو نبي الموال قلنا لهم تم
لو غليت الاسعار ماقلت من كم=حكم علينا الامر والامر لله
يالله طلبتك تصلح النيه=طالبك من فضلك والاحساني
وش همني من حذفت اللي حذفني=اللي حذفني جاهلن ماعرفني
اللي بوصفن فيه قام ووصفني=حكم علينا الامر والامر لله
الليل ياراعي الحناكيه=اسر مسار الذيب سرحاني
0000000=
صياف =
حيا الله اللي كل واحد يطيعه = ويجيب غالي والرخيص يبيعه
وان كان حمل حمل مايستطيعه=حكم علينا الامر والامر لله
يالربع ياللي ناركم حيه=اصحو يجي فالنار دخاني
ماتنحذف ياراعي المذهب الزين=ياللي تقص الجرح والعين بالعين
وان جات غلطه من كبار السلاطين=حكم علينا الامر والامر لله
حنا من الناس الشماليه=وانته تغني عند زهراني
===00000
مستور =
بعض العرب لو راح ماجاب فاده=دايم وعينه مثل عين الجراده
وحنا لنا بمصادم القوم عاده=حكم علينا الامر والامر لله
ماهمنا ابورجل وايديه=ياجعل واحد يبكي الثاني
لن كان ياصياف راعي سياسه=مافيه لبن مخضوض في كل طاسه
اعرف طريقك خل عنك العكاسه=حكم علينا الامر والامر لله
اليا كوينا ننجض الكيه=والليل ميدانك وميداني
=000000
صياف =
الله خلق للرجل لحيه وشارب=ويجاري الدنيا بعرف وتجارب
واليا انثنى حبل الشقا فوق غارب=حكم علينا الامر والامر لله
بكره يجونك حرب طريقه=بين المويه وبين رضواني
انته علامك قمت تنزل وترقى=جافل من العرقاه مدري تعرقى
بيني وبينك تالي الليل فرقى=حكم علينا الامر والامر لله
عندي لكم كلمات سريه=انكان عندك قلب والساني
000000000=
مستور =
الليل ياصياف راسك وراسي=منتا بناسي العلم مانتى بناسي
نهار هدينا الجبال الرواسي=حكم علينا الامر والامر لله
ياحرب سم الداب والحيه=ابلادكم رابغ وعسفاني