قصيدة رثاء في ابو علي الشاعر رجاءلله الحبلاني

قصيدة رثا في الشاعر رجا الله الحبلاني رحمة الله نضمها خاله الشاعر سعيد بن ثويني الحبلاني حين وصوله خبر وفاته رحمه الله
ماعاد اشوفه

البارحة ونيـت لـي عشـر ونـأت=صفقت كفى فـوق كفـى وونيـت
جاني خبر فأجا شعـوري مفاجـآت=وغديت نفسي تقل ما شفت ما وحيت
من بعدها سهـرت بالليـل مابـات=يا تقل ينهضني عن الأرض عفريت
عديـت ليلـي بالدقايـق وساعـات=ساع اطلع الشارع وساع ادخل البيت
وصليت لانادو ا لوقـت الصلـوات=اركع ولدري يا عرب كـم صليـت
لو الصياح يثيب لجيـت الأصـوات=وناديت من بالحي حولـي ولجيـت
على الصديق آللي طوولة سجـلات=ما عاد اشوفـة بيننـا لـو تمنيـت
ما عاد يرجع من عليه القـدر فـات=اصبح مع الحيين وأمسى مع الميـت
ما ينفع المنقـوص كثـر التشمـات=ولا يبري المجروح يا ليت يا ليـت
الموت حق ولا عن الحـق حيـلات=لاكن الفراق صعيب مهمـا توريـت
يابو علي بعدك ترى الجو ضلمـات=اظلـم علينـا جوهـا يـوم قفيـت
خليتنـا مثـل الصقـور الحزينـات=ذيك القلـوب آللـي عليهـا توليـت
يا ركزنا لجاء اللقـا والخصومـات=يرتاح لك جمهور ربعك اليا جيـت
زيزومنا لاجـت قبايـل وجـولات=لا قالـو الجمهـور حييـت حييـت
وين أنت يا نطاح كـل الصعيبـات=ما ينهزم قـدم الخصـوم الزناتيـت
يرسي كما ترسي طميـه وابانـات=لاصار بالجمهور جمعـاً وتشتيـت
من بعدكم عفنـا كثيـر المجـالات=بين المحافل بعدكـم مالنـا صيـت
اخوانة وربعـة رجـال المهمـات=لاكن كـلاً لـه مجـالاً وتصويـت
يالله ياسمـاك سـبـع السـمـاوات=آليا طلبك العبـد مديـت وأعطيـت
اتعيضة الجنـة ومسـح الخطيـات=في جنة الفردوس منزل هل البيـت
مالي جدا غير اطلـب الله دعـوات=الله يثبتنـا علـى الصبـر تثبـيـت

الشاعر / ابوبندر الحبلاني
تقبلوا تحياتي
اخيكم:ابن سعيد الحربي

صح الله لسانه
بيض الله وجهك يالغالي
لا عدمناك
رحم الله الفقيد

رحم الله الشاعر رجالله الحبلاني وأسكنه فسيح جناته
وصح لسان الشاعر / ابوبندر الحبلاني

لي عوده على الموضوع ان شاء الله



اخوي صح السانكورحم الله رجاالله الله يخفف عنه يوم لاضل الا ضله

	المشاركة الأصلية كتبت بواسطة البلادي الحربي

	صح الله لسانه بيض الله وجهك يالغالي لا عدمناك رحم الله الفقيد

يعطيك العافيه اخوي البلادي الحربي
على المرور ونورت الصفحه بوجودك
تقبل تحياتي
اخيك الساحر الحربي

	المشاركة الأصلية كتبت بواسطة الحميدي المخلفي

	رحم الله الشاعر رجالله الحبلاني وأسكنه فسيح جناته وصح لسان الشاعر / ابوبندر الحبلاني

اخي الحميدي الحربي
يعطيك العافيه
على المرور ونورت الصفحه بوجودك
تقبل تحياتي
اخيك الساحر الحربي

صح لسان قايله


وسلمت يدين ناقلها


قصيدة جزلة بفقيدة الجميع


مانقول غير الله يرحم رجاالله ولوطال الزمن لن ينسى هذا الاسم

	المشاركة الأصلية كتبت بواسطة غازي الزغيبي

	لي عوده على الموضوع ان شاء الله اخوي صح السانكورحم الله رجاالله الله يخفف عنه يوم لاضل الا ضله

يعطيك العافيه اخوي
وصح لسان الشاعر ابو بندر
وانا في انتظارك
واشكرك على المرور ونورت الصفحه بوجودك
تقبل تحياتي
اخيك الساحر الحربي

	المشاركة الأصلية كتبت بواسطة عبدالله السليمي

	صح لسان قايله وسلمت يدين ناقلها قصيدة جزلة بفقيدة الجميع مانقول غير الله يرحم رجاالله ولوطال الزمن لن ينسى هذا الاسم

يعطيك العافيه اخوي عبدالله
على مرورك ونورت الصفحه بوجودك
واشكرك على توقيعك
تقبل تحياتي
اخيك
الساحر الحربي