ديوان الشاعر : عامر العوفي

بسم الله الرحمن الرحيم
ديواني المتواضع

من عاش بالدنيا يشوف العجايب=سبحانه اللي كلنـا فـي يدينـه
دنيا بها مخلـوط شـرٍ وذايـب=والاصل فيها الخير فيها السكينه
فيها الاوادم بين ورعٍ وشايـب=الكل منهم ما ضمن له سنينـه
يالواحد الخالق مديـر الهبايـب=تحسن خواتمنا وعبـدك تعينـه
الموت فراق الاهـل والقرايـب=كلٍ على دنيـاه يعمـل ودينـه
والرزق ما ياتي بليـا سبايـب=ياتي ليا الرجال شمـر يمينـه
والله على نيتك يالعبـد جايـب=واللي زرع غالي بيحصد ثمينـه

شفنـا فعـولٍ مالهـا اي داعـي=من واحـدٍ خيـب رجـا والدينـه
يلبس جنوز وثم بالسوق صاعـي=يطرد بنات الناس ضيـاع دينـه
عزالله انه نايـم القلـب واعـي=عنده خوات ودورت بـه سنينـه
واليا نصحه اللي فعولـه رفاعـي=بالزوجه وكـل العلـوم الثمينـه
قال الزواج بأخـره سـم افاعـي=ربطـة ومسؤلـيـةٍ خابريـنـه
جعله بوجه الباص نقل الجماعـي=ياطاه من ساقه الى اعلى جبينـه
العرس ستـرٍ للقـروم السباعـي=سترٍ ومنه القـرم يحمـل جنينـه
شهر العسل به والصدور الوساعي=عرسٍ على السنه ولافيـه شينـه
اسمع يبو عامر بحسن استماعـي=زوج ولدك وربـه اللـي يعينـه

عامر العوفي

جوال المدمر ( من طرفة الشعر )

في شارع الجوالات (ا)تشوفني طامر=ادور الاجـهــزة وافــــرح بـالـمـدمّـر
اقنـيـه وادلـعـه وهــوا عـلــي يـامــر=وازوده بـالـجـديـد ولـيــتــه يـعــمّــر
انـا اشهـد انـه لـكـل الاجـهـزه دامــر=نــوبٍ يخـضـر ونـــوبٍ زره يـحـمّـر
لحنـت بـة اربـع ابيـاتٍ وانــا عـامـر=اللـي اليـا شـاف المدمـر لــه يشـمّـر

عامر العوفي

للكل في دنيته عنوان وشخصيـة=يعرف بها بيـن ربعـه ويتمثلهـا
والخلق مثل العماير ماهي بسويـة=الفرق بالحجـم والسيسـان خللها
احدٍ سنافي ودايم يوفي (ا)خويـة=واليا قصدته بصعبه قام وسهلهـا
واحـدٍ مـرم الاوادم فيـه مبليـة=نصبٍ وكـذبٍ وبالتزييـف كملهـا
والمرجلة قول وفعلٍ تلحـق النيـة=بالمجلس القول وبالميدان مفعلهـا
ولطيب سيقت مطايا ناس منقيـة=ولا الردية ردي العـزم يوصلهـا
والجود يجعل عيوبك دوم منسيـة=والكامـل الله ولارزاقـك تكفلهـا
وصلو على المصطفى ليلً وصبحية=اعداد كثر الحصى بالارض واهلها

عامر العوفي

السلاك عليكم ورحمة الله وبركاته
مساكم الله بالخير وكل عام وانتم بخير
وارجو ان تنال هذه المتواضعه ولو على جزء من اعجابكم

وشلون انام الليل والفكر بالزين=ليلٍ طويـلٍ والولـه محتضنـي
زينٍ وعندي شوفته عن ملايين=وليا قدم يمي ارحـب واغنـي
في جبهته كوكب وبيسار ويمين=تلقى عيونه والشمـوع اذبحنـي
موتر يشيل الحمل لو هو يعارين=شاصٍ جديدٍ منه ابيـض وبنـي
قلبي تعلق به ومعـه الشراييـن=مركب رجال الطيب يا سامعنّي
له بالمعارض هيبةٍ والصواليـن=وبه قوةٍ بالعزم وتقـول جنـي
يا ماحلا به كشته ومعيه اثنيـن=مختارهم والظن ما خاب ظنـي
معنا البنادق والحطب والمواعين=وتيسٍ وزدنا الكيف هيلٍ وبنـي
بشعيبٍ اخضر والخلايق قليلين=مافيه رجه كـود نجـرٍ يدنـي
هذا وقد قيل الحلم ماهو ابشيـن=والله يحقق لي جميـع التمنـي

وتحياتي الطيبة للجميع

السلام عليكم ورحمة الله وبركاته
مساكم الله بالخير وتقبل الله صيامكم وقيامكم
وارجو ان تنال هذه المتواضعة على رضالكم
يعطيكم العافيه على المرور

الله مـن دنيـا بهـا نـاسٍ انـواع = حكمة من اللي كون الكون كلـه
فرق عبـاده بالفعايـل والاطبـاع = ماهم سـوا كـلٍ بمذهـب وملـة
واكبر فروقٍ فرق في وسط الاضلاع = ولا الشكل كالشكل ومقاربٍ لـه
واليوم انا ضايـق وبديـارٍ وسـاع = من واحدٍ درب السنـع مـا يدلـه
كل ما فعل خدمة حسبها بالاصباع = ثم عدها ثم قام يطلـب جـزاً لـه
مثل الذي طايح وفي اسفل القـاع = من عقب ماهو بالجبـل طالـعٍ لـه
والمرجلة ماهيـب محتاجـه اقنـاع = المرجلة عنـد القـرم عـادةٍ لـه
ويالصاحب اللي خوتك جابت صداع = مابيك .... انا مانيب ناقصك علـه

وتحياتي الطيبة للجميع

السلام عليكم ورحمة الله وبركاته
هذي المتواضعة كتبتها اليوم وانا جالسٍ مع اخوياي
وهي مدح فيهم وذكرت صفه كل واحدٍ منهم

سلام مني عقب مالوقت لي زان = لاهل الوفا والطيب واهل الحمية
ابو حنس ذيبٍ ليا ضقت لي بان = حيه وحي اللي معه ثم حية
وانته يابن حجّاج بالخير حسان = تنصح وتدعي كل روحة وجية
ويا طيبٍ سمعه وخوه وسيسان = ياساير انته خبرتك عالمية
وابو هليل حر ماهو بكحيان = اهوا المونس كان بالدرب حية
وماني بناسي طيّب علومه سمان= عبدالأله القرم ماشفت زية
ولاهان بن صنهات لاهان لاهان = لاجاته الحسنه ماترجع بسية
جعل الليال السود ماتفرق اخوان = ادعو وانا ادعي كل صبح وعشية

وتحياتي الطيبة للجميع

مساكم الله بالخير
هذي قصيدة موجهه لاهل الحسد

يا اهل الحسد عندي لكم هالنصيحة=من شاعر ممشـاه ممشـى الذيابـه
شاعر ولايقصد قصايـد قبيحـة=شعره حسن والبيت مفتـوح بابـه
راع الحسد عينه ضعيفـة جريحـة=لا شافت المعطى تقـزّ (ا) بشرابـه
وش يمنعه لاشاف هـاك الشريحـة=يذكر اسم ربه وقسمه رضـى بـه
وافعال راع الحسد لو هي صحيحة=ولو كان خيّر شايب وفـي شبابـه
مضمون في يوم القيامـه مطيحـة=والعلم عند اللـي شديـدٍ عقابـه
هذا الحسد يالعبد خيـرك يزيحـة=ويُكتب بدال الخير شـرّ (ا) بكتابـه
والعبد يوم الحشـر سـدة يبيحـة=والله حسيبة يوم يحسـب حسابـه
وفي جنةٍ فيهـا رياضٍ فسيحـة=جعلي وجعل اللي سمع ثم حكابـه
وصلو على المختار عقب النصيحة=كثر اللذي تقـدر وتاخـذ ثوابـه

بالصـــوت من هنــــا

وتحياتي الطيبة لكم