!..::::.. أح ــــلام الشـم ـــوع ..::::..!

.

.


الأحبة في الله

رواد وزوار ملتقى أبناء العمومه .. ملتقى قبيلة حرب

السلام عليكم ورحمة الله وبركاته

وكل عام وأنتم بخير ٍ وصحة ٍ وسعاده

بعد الغياب .. أعود لـِ أنثر لكم جديدي المتواضع ..!!

أتمنى أن يرتقي الى مستوى ذائقتكم الشامخه ..!!


.


.

اخنقت ( عين ) الشقاوي كف توديع ( النهار ) ..!! = وعانقت ( احضان ) ليله وهن جسمه و (الدموع) ..!!
وابتدت كل الكواكب حفل ( تكريم ) الدمار ..!! = يا أهازيج ( المواجع ) أشبعي شاكيك جوع ..!!
ذاب من يطلب (حنان) الوقت حتى الإحتضار ..!! = والشجر (أنكر) غصونه يوم اعلن له ركوع ..!!
وجد حالي كل ما نامت طيوري في وقار ..!! = وجد شيخ ٍ عز قومه وابتلى بكسر الضلوع ..!!
والله اني ما قويت (المزن) وقت (الانهمار) ..!! = ولا قويت اسمع (ضجيج الناس) من زود (الخشوع) ..!!
يوم لاحت ذكريات (الأمس) واخلفت المسار ..!! = شفتها تغزل (عذابي) لين صارت لي ربوع ..!!
يا (سما شوقي) لهيبك أصهر (أرضي والبحار) ..!! = (وين) ابلقى لي مدينه تضوي (احلام الشموع) ..!!
ليه أعيش الـ ( ليه ) ليه ! وليه ترويني انكسار !! = ما بعد موت ( المجره ) يا شظايا أي رجوع ..!!
بمتطي ظهر ( السفينه ) ! وانثر اوجاع ( القطار ) !! = وان غزتني (طائرات الجو) أعلنت الطلوع ..!!
من رحى الماضي أبجلب ما يثير الإنبهار ..!! = يوم غيري في رحى حاضرْه أغواه السطوع ..!!
ما (يغيض) ام الكباير غير ترويض الكبار ..!! = واشهد اني ما أبرّي ذمتي نلت الـ (قنوع) ..!!
حر من شح (الليالي) اهتوى صيد المهار ..!! = يا مهار ( الوقت) صفّي فدوتك وقت ٍ جزوع ..!!
اسطعت (شمس الحقيقه) وحان توحيد المدار ..!! = ورفرف الخفاق ( تبا ً ) للولاء اللي يلوع ..!!
من رضى (عيش المذله) (بالمذله دوم سار) ..!! = (يالله اني في رجى رحماك أعلنت الخضوع) ..!!
مال (غصن العمر) واشقى الأرض (تغريد الخضار) ..!! = (وكبـَّرت) كل الرواسي ما لهذا ( الريح ) نوع ..!!
هبّي (يالسبع السنابل) حان تعظيم الثمار ..!! = حان (موتك يالمشاعر) حان لك شي ٍ يروع ..!!
تذكرين (آخر هديَّه) قبل تنفيذ القرار ..!! = ما قتلني غير (تقبيل الهدايا) يا قطوع ..!!
(ارسمك) بالبوح صمت (واسكنك) في كل دار ..!! = (واهجرك) والوصل يبني داخلي ( قمّه ) و ( طوع ) ..!!
يا (عيون الليل) نامي واحضني (رمش النهار) ..!! = (موق عيني) من يلومه لا رثا (احلام الشموع) ..!!؟

.

.


والسلامة والسعادة للجميع

أخوكم الصغير

خالد بن سنيد الجابري الحربي

ذيب القوم

كل عام وانت بخير

والحمد لله على سلامتك

وصح لسانك يالجابري

شاعرنا القدير/ ذيب القــوم

ياهلا بك حياك الله في ملتقى قبيلة حـــــــــــرب

و صح لسانكـ و بيض الله وجهك

صح لسانك

ياذيب القوم

على هذه القصيدة الجميلة كجمال حضورك ياغالي

تمنياتي لك التوفيق

وكل عام وانت بخير

صح لسانك وسلم بنانك



قصيدة رائعه بروعة حضورك



لك تقديري

صح لسانكـ و بيض الله وجهك

صح لسانك ياذيب القوم

قصيده رائعه بروعة حضورك بعد ا لغياااااااااب0

تقبل تحيااااتي ومروري0

--------------------------------------------------------------------------------

كل عام وانت بخير

والحمد لله على سلامتك

وصح لسانك يالجابري

يعطيك العافية - قصيدة رائعة بروعة حضورك - بيض الله وجهك ياذيب القوم
( حياك وبياك - كل عام وانتم بخير )

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي