توفيق الحربي وصل العتيبي

توفيق الزبالي

مرحبا ترحيب حربـي شـب للضيفـان ضـوه=يكمل اوجوب الضيوف اللي على الموعد صدوقه
المخايـل خيلـت والبـرق سـر العيـن نـوه=والعرب مستبشره بالخيـر والحايـه تسوقـه

وصل العتيبي

يالعلـك للبقـى والطيـب دربــه مايـتـوه=في حلال اللي يكمل كـل مـن ضافـه حقوقـه
الخيال اللـي تقولـه لآح فيـه البـرق تـوه=ياعسـاه ايهـل ثعلـه بعـد مالاحـت بروقـه

توفيق الزبالي

يوم ركض الخيل فـزاع العـرب راع الحمـوه=ما عينت الفارس اللي غار وحصانـه سبوقـه
حـان ميعـاد اللقـى والبـادي الله لايـسـوه=كل فارس في يمينه سيـف وحصانـه لحوقـه

وصل العتيبي

يالحروب انتم عرب وشلون تنسـون المـروه=الشجيع اليا بـدآ كـل الحـوادي مـا تعوقـه
والله انـا مانحـب العلـم بـه غبـه وحـوه=حشمـت اللـي متقـي ودراه واداري حقوقـه

توفيق الزبالي

المـروه مـن عوايـد حـرب حـذرآ لاتفـوه=وانت من ربعاً لهـم تاريـخ والدنيـا محوقـه
كان عندك علم هاته كـان عنـدك فعـل سـوه=شرع ربي يالعتيبي يقطـع اليمنـى السروقـه

وصل العتيبي

يالزبالي بينـي وبينـك تـرآ صحبـه وخـوه=والحـروب اصحابنـا معهـم علاقتنـا وثوقـه
عندنـا علـم وخبـر وفعالنـا وقـت العنـوه=ونت بادي بالعلوم وسوق شرح العلـم سوقـه

توفيق الزبالي

الزبالـي عـز للصاحـب ولا يرحـم عــدوه=والعلاقـه دايمـه والعهـد حـنـا مانبـوقـه
لو عطيتك وجـه مـا نامنـك تدعـي بالنبـوه=لا تزود فالعلـوم وتصبـح الـراس محلوقـه

منقول