الوقت يامشكاي في صاحبك سار00 بالاتجاه العكس غير مساره

الاخوه والاخوات في المنتدى قصيده كتبتها ارجو أن تحوز على رضاكم0

الوقت يامشكاي في صاحبك دار= بالاتجاه العكس غير مساره
خلا الليال السود ترقص على الطار= ولها يغني يارفيقي نهاره
واصبح سمانا عقبها عج واغبار= يرسم على صفو المساء لي شعاره
وحار القدم في منتصف طرقها حار= ولايقدر يحسم الفكر في قراره
ضاعت ملامح خارطة كل الاقطار= وسم الدلاله مختفي والاشاره
غير الهياكل ماتشوفه والاشجار= وتووه باسماء تصدفك مستعاره
والله00لولا ماتسلا بالاشعار= وتصفقبي الامواج واقطع ابحاره
ولاضاقبي سجيت في نجد مشوار= عبر الفياف اقطوع واطا قفاره
لاسقتها باي اتجاه الخطا سار= حتى نجي في روض يطرب خضاره
ممطورٍ امس ولامشى فيه دوار= ما فيه غير الصيد نلقى أثاره
متعاقبٍ بالروض عشبه بالازهار = والنفل يشذى مع خطانا عطاره
ولاجاء عصير بوقتنا نوقد النار= وندني معاميل النشاما جواره
والبن كيف مقدم الطيب والكار= في دلةٍ صفراء تلامع صفاره
اسوق فنجاله على خوة خيار= وشذى زهور العشب عانق بهاره
هذا 00 مصبرني على كل ماصار= والا حجزت اوكي دون استشار!!

تحياتي / احمد العوفي