وحيان مابالجيب عندي سيوله

اهداء للاخ الشاعر سعد بن دومان المحمدي

عبدالعزيز بن براز بن مريخان
ابو فيصل

سلام ياشبل المحاميد والطيب
ياصامل الوقفه وراع الرجوله

سلامً احلى من لبن شمخ النيب
ياتيبه الحلاب ساعة حلوله

سعد محمد من محاميد ما يخيب...
لاخاب خطو الامعة والملولة

شاعر كبير وماضيله تجاريب
ودون القبيله مايعقل ذلوله

فيه الحمياء حاضره ما والله تغيب
تهابه الشعار من طيب قوله

يستاهل الكرمه وطيب المطاييب..
رجلً كريم اوما ضياتن فعوله

هاذا جوابي وانت فاهم اما يصيب
عامين راحت ونتحرى وصوله

وسلم وسلملي علي عيال وصحيب
واللي تعزه من جميع الحموله

!!!!!!!!!!!!!!!!!!!!!!!!!!!!!!!

رد سعد المحمدي
يامرحبا مالاح برق المناصيب
وهلت على نجد العذيه ثعوله

ببيات راع الطيبه والمواجيب
سمي من وحد قبايل ودوله

بالسيف والحكمه وعوج المشاعيب
ماجاه حكم المملكه بالسهوله

مدحك يابو فيصل عريب المجاذيب
من طيب راس ٍ جعل مالله يزوله

لابد ماياتيك مني مناديب
اجيك واخذ لي على نجد جوله

البعد عايق والليالي مجاديب
واحيان مابالجيب عندي سيوله

ماقل ياحلو النباء والاساليب
ان دل يكفي والذلول معقوله

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

صحت السنتكم
مبدعين