قصيدة رمضانية .

مبروك عليكم الشهر وأدعوا الله أن يتقبل صيامكم وقيامكم ويعاونكم عليه .

النفس مشتاقه لشهر الفضيله= مثل إشتياق الأم لأغلى العيالي
أرقب هلالك يا عسى الرب يهله= والنفس تسعد يوم أشوف الهلالي
أحرص على موعدك ما يوم أزله= حرص المصلي المرتجي للكمالي
أبكي على شوفتك من زود جله= وأبكي على الفرقا شهورن طوالي
يا نفسي جاكي الخل مشتاق لخله= يبغى عمل بإخلاص طول الليالي
بأخذ عليكي العهد يا نفس لأجله= والرب يعاوني على كل حالي
بأشعل مسايا بذكر لله ذله= مع صلاه بخوف وخشيه لوالي
وأرخي دموعي لين خدي يمله= وأنسى مع الدمعات همن في بالي
وأخضع لربي وأطلبه زود فضله= وأرفع كفوفي لين تتعب تمالي
يا ناس شهر الخير مافيه مثله= فيه رحمه وعتق وغفر الجلالي

الذيب .....

احسنت ابيات جيده

يعطيك العافية وبارك الله فيك
اخي الشــ فهد اليوبي ـــــاعر
قصيدة رائعة وافية ومافيها كلام
الله يكتب لك الاجر والصيام والقيام ويجعلكم ممن غفر له ورحمه وعتق من النار
امين يارب العالمين
كل عام وانتم بخير ابن عمي
تحياتي وتقديري

فهد اليوبي

صح اللسانك

الأخ فهد اليوبي

بيض الله وجهك وصح لسانك

وبارك الله فيك

ومشكور على التهنئه يالغالي

ونسأل الله العلي القدير ان يتقبل منا ومنكم صالح الأعمال

وكل عام وانتم بخير

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك
الله يعطيك العافية

صح لسانك وسلم بنانك