أسرج خيالي وأطلق عنان الأفكار

السلام عليكم ورحمة الله وبركاته

لكل شاعر في قصيده له شعار
وهذا شعاري يا الوجيه المفاليح

إذا نويت القاف سخـرت الأشعـار
وروضت صعبه والمعاني لواقيح

أسرج خيالي وأطلق عنان الأفكار
وأرفع شراعي وأغتنم هبة الريـح

تزاحـم الجزلات لاجيـت بختـار
وأقـدم السابق بعد كل ترجيـح

أما أعتدل وأقطر بيوته ليا سار
وألا الشرود إن ند بعقاله يطيح

وجلب الهـزيله ما لهـا عندنا كار
أمـرها بالـدرب وأصـد وآشيــح

أطـرب لقـاف كنـه الملـح لا ثـار
يسري كماعطةنفل خالط الشيح

وقاف يلج بصيت وافين الأشبار
زحـول جـاه وللغـداري مصابيـح

قدمت لك مؤجز ،وتفصيل الأخبار
تلقاه في بيوت القصيدة مدابيح

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك اخي البيرق قصيده جزله
من عيون لشعرلابدللقاري يقراهامرات
عديده نضرالجودتها والستمتاع القاري بها

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
الله يعافيك ووجهك أبيض
تحياتي

	المشاركة الأصلية كتبت بواسطة محمدالعيسى

	صح السانك اخي البيرق قصيده جزله من عيون لشعرلابدللقاري يقراهامرات عديده نضرالجودتها والستمتاع القاري بها

صح بدنك أخي محمد العيسى
هذا من ذوقك وماعليك زود
تحياتي

وعليك السلام ورحمة الله وبركاتة
صح لسانك يالبيرق قصيده جزله
الله يعطيك العافية يبن عمي

	المشاركة الأصلية كتبت بواسطة شموخ السلاطين

	وعليك السلام ورحمة الله وبركاتة صح لسانك يالبيرق قصيده جزله الله يعطيك العافية يبن عمي

صح بدنك يبن عمي
الله يعافيك
تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وسلم بنانك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

	المشاركة الأصلية كتبت بواسطة حسيـن

	صح لسانك وسلم بنانك

صحت أبدانكم وأعتلى شانكم
والله يعطيكم العافيه
تحياتي