ديوان الشاعر هليل صالح المرواني الحربي

الشاعر : هليل صالح بن جميعان المرواني المزيني الحربي

عاش الشاعر : هليل بن صالح المرواني في أوائل القرن الرابع عشر , وتوفى في أخر القرن نفسه , وهو
شاعراً جزل ولكن شعره لم يدون وضاع , لم أجد من شعره الا هذه المقتطفات القليلة , عاش في منطقة
القصيم , وكان له نخل في جبل ابان لأسمر يحبه كثيراً وله شعر كثير في نخله :

هذه القصيدة قالها عند ماشاهد سحاب ممطر وهو في الشمال الشرقي من حرة المدينة المنورة في منطقة
تسمى الشفاء ويتمنى ان يمر هذا السحاب نخله في جبل أبان , يقول فيها




كريــم يامـزنٍ نـشـا مـن جـنوبــي = خلته وأنا براس الشفا من ورى اكـنـات

اليانحــدر قامــت تكـفّـه هـبـوبـي = يـبـرق مـن الحــبلـى اليا خــشـــوم ابانات

عساه على روس المداري يذوبي = يسقي غـرايـسٍ في حـجا الضلع أمـكنّـات

الشفاء : جبال : تقع بين المدينة المنورة وبين القصيم , وهي منطقة واسعة , وقيل هي التي كانت تسمى حزيز محارب قديما \ اكنات : جبل بين بلدة الحايط والحويط قيل جنوب الحايط عشرة كيلو تقريبا \ الحبلى : جبل غرب وادي الرمة تراه وانت على الطريق السريع المتجه من القصيم الى المدينة المنورة قبل تاصل الى طمية وعكاش جنوب الطريق مستطيل من الشمال الى الجنوب \ ابانات : جبال مشهورة في منطقة القصيم وغيرها

وله ايضاً هذه القصيدة , قالها في ابنه سالم عند ماتأخر عليه واشتاق له :




الشاعر : هليل صالح بن جميعان المرواني المزيني الحربي






منظر من جبل أبان
رجا رجيته واطلب الله وارجيه = وراه ماكب الغــــــــنم واقتفاني
الله على اللي كن الادمي توزيه = يجيه من ظل الخيزرانة جناني
اسبق من اللي ثبت العصر راميه = ليا عطــــــاله سهلةٍ مع بياني
لولى تقاريص الرسن طاح راعيه = حرٍ على قطع الخلى مطوعاني
سلم على اللي ينعش العمر طاريه = واليا نشد عني تراي بمكاني
والله ياغرسٍ غرسته ما خليه = غرسٍ غرسته بالطويل من أباني
غرسٍ غرسته قايماتٍ حواميه = خضرٍ جريده من حجا الضلع داني
أبي اليا من الصغيّر لثق فيه = يقول قبرٍ عقبك للجناني


منظر من جبل الحبلى , وقد ذكرها الشاعر في شعره

هذه القصيدة قالها الشاعر , هليل بن صالح المرواني
عند ما سمع ان اخوه مطر مرضان , وهليل من اللي قاطنين على عد الأجفر شمال





بريدة وجنوب من منطقة حائل , ومطر من اللي قاطنين على العمودة من ضواحي
الفوارة في غرب القصيم , وكل القريتين من قرى القصيم :

منظر من جبل العمودة


ياراكب اللي ماهمزنا الهوده = ايجفله حس المريعي إلى فر
يقطع طواريق الخلا ماتكوده = ويشدا قطاةٍ لشها بالسما حر
يسرح من الاجفر ويمس العمودة = انشد عن الوجعان علّك تبشر
قولوا سليم وعلّته ماتعوده = مايشوف في دنياه باسٍ ولاشر
مطر مجدد بالمكارم اعهوده = يافزعت المضيوم باليوم الاقشر


جمع وتحقيق : نافع مطر المرواني


المريعي : طائر السمان