مزحه إنتهت بقصيدة

السلام عليكم ورحمة الله وبركاته

القصيدة فكاهية

مناسبة
في جلسه ذكر الشعر واختلفوا في أسبابه منهم من قال وراثه وثاني قال موهبه ، وجن ووو ، المهم احد الأصدقاء قال افزع لي بواحد ، قلت أبشر افزع لك بس خايف تخلط الماء مع الزيت ههههه ثم كتبت القصيدة بعد أيام وأرسلتها له


يكفينــي اللـه شــر تـابــــع تبعـــنا
أعــوذ بالرحمــن من كـل عفـريت

ما زاد في نظـم القـوافــي ولعـــنا
لو كان ماعندي من الجن خـرتيت

إن كان تبغى فــزعته لك فزعـــنا
لكن خايـف تخلط الماء مع الزيت

شاعـر نظم يبني من القـاف معنى
هاجس شعر وبعالم الجن له صيت

ما ينوصف لو ناصفـه ما أستطعنا
يشخط مثل عودعلى ظهر كبريت

متخالفيـــن بعمـــرنا ما اجتمعـــنا
عـيا يبيـن ولا بغـى يبيــن عييـت

لاحضرت الفكرة حضـر ما خدعنا
لا طالـب حضـــروه ولا لـه تمنيت

يملـي عليـه وأكتــب اللـي سمعـنا
وألا عــزفها لـي بيــت بعــد بيــت

ياما بدعـت ورد في اللـي بدعــنا
وياما بدأ بدعه وفي البدع رديت

ويا صاحبي سلطـان حـنا طلعــنا
عـن نصنا وأبعـدت فيه وتجـريت

أسباب نظم الشعـر في مجتمعـنا
ماهو صفة تكسب بعلم وعفاريت

مواهــب مــع وزن قــاف ومعنــى
لا تحســب إنـه بالتمنــي وياليــت

قصيـــدة فيـــها الخيـــال إتبعـــنا
أبحرت في مركب خيالي وعديت

وكسـرت روتيـن الـحيـاة ورجعـنا
وبمركب الرحله على الشط رديت

البيرق