ديوان الشاعر القدير سالم ظفر الحربي

السلام عليكم ورحمة الله وبركاته

اسعد الله اوقاتكم جميعا

قصيده من الارشيف للتواصل


-- -- --


ياهاجسي مــاعاد لــي شف ومراد
طــيرت فــي بــعض الــعلوم اغبارها


دام الــبياض مــخالطه لــون الــسواد
اخترت عن طول الدروب اقصارها


لاهــي تــساق ولا مــع الــعالم تــقاد
عــمياء تــصافح بــالكفوف ايــسارها


مــتبجحه فــي ضــف ضــايعة الجواد
الــلــي خــطــاويها حـــدود انــظارها


فــي كــفة اهــل العرف ماتزن قراد
فـــرق الــرجال عــقولها و افــكارها


اشـــوف وانــكر والــغرايب بــإزتياد
الــســامــيه مــبــخــوستن مــقــدارها


غــباش فــي وجــه الــحقيقه والوكاد
ســلــمى تــهــيل ويــفــكرن اطــوارها


عــين الــذكي فــيها الــغبي ذر الــرماد
والــقــافله ضــاعت بــعمي اشــوارها


الــصدق فــيه هــيام واسواقه كساد
الا مــــع اذنــانــه تــســر اخــبــارها


والــطامه الــلي مــالها نــد(ن) إيلاد
ام الــــحــويــر زاهـــــده بــحــوارهــا


عــكس الــشرايع هايمه مع كل واد
مــيــزانــها مــخــتــل فــــي مــعــبارها


حــتــى مــفاهيم الــعرب والاعــتقاد
تــشــقلبت فـــي ســيــرها واســوارها


عــكــس الــسواير ســيرها يــاسندباد
اعـــذرت مــنــها وانــتهى مــشوارها


اخوكم سالم بن ظفر الحربي {جريح الفرقا}

الله يرفع قدرك ويطول عمرك

لي الفخر ان يكون لي ديوان بين نجوم قبيلة حرب

وان شاء الله يكون عند حسن ضنكم

شكري وامتناني لك لاعدمتك

قصيده نظمتها بمناسبة الحفل الذي اقيم بمركز بالفواره علي شرف حامل البيرق ومفخرة الوطن الشيخ زيادبن حجاب بن نحيت


بـــديـــت بـــاســم الــخــالـق الـــــرب الــعـظـيـم
مــنـشـي مــــن الـمـنـشـي مــراديـم الــمـزون

بــعـونـه نــضـمـت الــقــاف يـالـجـمـع الـحـشـيم
دره إتــــشـــوق مـــــــن عــلــيــهـا يــشــفــقـون

يـــا مـرحـبـا مـــن ارض الـحـجـاز الــيـا الـقـصـيم
يــــــا حــــــرب يــالــلــي لــلـمـعـالـي تــعــتـلـون

اهـــــلا هـــــلا مــــا ذعــذعــت نــــود الـنـسـيـم
ومـــــا هـــزعــت غــصــن الــخـزامـى والــفـنـون

فـــــي حـــفــل كـــســاب الــمـراجـل والــزعـيـم
بــفـعـلـه تــنـومـس حــــرب عــلــه مــــا يــهــون

مـــثًـــل بـــلـــد نـــعـــم الـــولــد كـــــاد الــغــريـم
جـــــاب الــعــلـم مـــــا خـــيــب زيــــاد الــضـنـون

بـإسم الـوطن جـير نـصر حـياك يـا فـعل العديم
فـخـر لـكـل الـمملكه يـبقى عـلى مـر الـسنون

تـرثـة هــل الـحيزاء لـهم بـا الـمجد مـبناءً قـديم
قـــادت جــمـوع لـلـمـعادي بـالـمـلاقا يـضـهـدون

إجموع حرب اللي لها بالباس والسلم السليم
نــهـج كــمـا نـجـماً يـقـدي والـقـبايل يـشـهدون

والـفضل لـلي مـنته نـجى بـها مـوسى الكليم
نـلـبس ثـيـابك يــا لـفـخر والـعـز كـاين بـه نـكون

لاأسـلافـنا مـجـداً بـنوا بـه قـبة الـمجد الـعظيم
وحــاضـر بــنـوه ابـطـالنا راويــه شـافـه بـالـعيون

الـشـعر ديــوان الـعـرب قـديـم وايـضـا مـستديم
ســيـف الــدلايـل سـلـتـه قـــافٍ يـغـنا بـالـلحون

و الـشكر الـلي عـزمهم مـا خـل به جهد يضيم
خـمـسة رجــالٍ عـزمهم خـلوا بـه الـكايد يـهون

قـد الـحدث صـار التفاعل من مخضعت الخصيم
عــلـى ســنـام الــعـز دايـــم يـاربـوعـي تـنـزلون

حـرب الـعريبه مـجدها مـا يـجهله كـود الغشيم
عــنـد الـمـواقـف لابــتـي يـاطـيـبهم مـايـختفون

روح الـتـكاتف بـيـنهم يـجـلا بـهـا الـلـيل الـبـهيم
مــثـل الـجـسـد لـــه راس مـــن فـــوق الـمـتون

افـخر بـربعي مـا انـتقص حـق الـقبايل يـالفهيم
الـطـيـب مــلـك لـلـقـبايل مـــن مـجـمه يـنـهلون

القيت هذه القصيده في حفل دعم قبيلة حرب لااحمد بن ناحل في شاعر العرب



عزوتي ياحرب باليوم الصعيب
سعد عين اللي نخاكم ياحروب

في ضلال وفيي عن شمس ولهيب
والسعه يهنابها عقب الكروب

قمة اعلاءصوح ثابت فيه طيب
ياسنام المجدبك صك محسوب

لحرب ثابت علم ماجافيه ريب
معجزات(ن)جيرت باسم الحروب

من السلف ميراث شمسه ماتغيب
يالخلف ميقافكم جاله وجوب

عزوتي ياحرب من شب(ن) وشيب
للمواقف هب ذعذاع الهبوب

افزعومادامت الفزعه تجيب
مع عريب في مواقفكم ينوب

باسمكم ياخذ ويعطي والنصيب
ينتهض لامن وقفتم ياحروب

وباسم حرب الشكرمنا للصحيب
في مواقيف الوفا من كل صوب

وللمواقف رد وقته مانغيب
من وقف مع حرب يلقا بالنشوب

فزعت(ن)يفرح بها القلب الكئيب
لصنيعه رد يلبس فيه ثوب

قصيده من البدايات موجهه للاخ عوض دخيل الله الحربي وهومن رجال القبيله المعروفين


سـريـاقلم سـجـل مـن الـقيل مـنضوم
ســجـل ورتـــب كـــل حــرف بـنـظامي

وابــدي سـلامي عـد مـاتسري نـجوم
واعــــداد مـانـبـتـت فــيـاض الـخـزامـي

ومـاسـاق مــن قـبـله مـخـاييل وغـيوم
ســلام(ن) احـلى مـن رحـيق تـهامي

وبـعـدالـسلام اكــتـب تـقـارير مـحـكوم
مــره عـلـي كـبـده مــن الـغـبن زامـي

صـكـات بـقـعاء حـمـلها هـموم وغـموم
مــــن فـعـلـهـاحاربت طــيــب مـنـامـي

وصــبــرة لـلـمـيـله وجـامـلـت مـحـتـوم
مــن شــان مـاشـين يـعـوق بـمـقامي

عــايـيـت لــيــن ازريـــت مـاصـارمـعدوم
جــنـاح مــابـه ريـــش عـــاق الـنـعامي

والـصـبـرباح وبـــان لـــه حـــدور ســـوم
وقــديــم قــيــل الـنـقـص حـدالـتـمامي

ونــصــيــت بــالــمـوضـوع قــايــدوزيـزوم
عــــوض دخــيـل الله عــزيـز الـمـقـامي

رجـــل شـجـيـع ولـلـمراجل بــه عــزوم
فـي مـجلسه تـلقا الرجال الحشامي

وســوالـف يــبـراء بــهـا صـــدر مـهـموم
عـلـوم الـرجـال الـلـي تـقود الـجهامي

مـاهي سـوالف مـن لـهم دايـم الـدوم
هــرج الـقـفى وايـضـا غـثيث الـكلامي

ارجـي مـن الـمولي عـسا عـزك يدوم
حــيـثـك لــنــا نــــورا يــزيـح الـظـلامـي

مـسـهـمك بـالـطـولات مـاهـوبمقسوم
صـيـتك بـفعل الـطيب شـرقا وشـامي

وجـيـتك عـلـي ضــوه ولانــي بـمنجوم
يــامــوردالــلـي هــايــبــات احــيــامــي

يــاريـف مــن يـنـصاك ضـايـق ومـضـيوم
حـاديـه شـين الـوقت وارضـه مـضامي

تـــحــل مــعـقـود مــشـربـك ومــحــزوم
حـلـحـيـل لـصـعـبات وقـــت الـزحـامـي

لـــك مــاقـف مـعـروف الـيـابانت اثـلـوم
تـرسي الـيا اخـتلت احـبال المسامي

ولـفـزعـتك يـامـسـندي جـيـت مـلـزوم
مـا ابـغى عـلي مـثلي يصير الملامي

حـيـث ان وضـعـي فـيـه بـيـن ومـبهوم
وانــتـه فـهـيـم ومـــن رجـــال اكـرامـي

مـن لابـيتن مـنها الـخصم دوم مـكعوم
تــعــرف فـعـايـلـهم نــهــار الـخـصـامـي

بـسـيوفهم ولـشـلفهم تـشـهد الـقوم
لاثــارخـلـف الـخـيـل عـــج وعـسـامـي

وغـير الـعرب تـشهد لـهم طغمة الروم
يــــوم الــمـعـارك ونــعـدام الـسـلامـي

يـــوم انــهـا بـالـكـون مـعـطـا ومــحـروم
حـــرب اهـــل الــطـولات دوم ودوامــي

وكــل الـقـبايل نـعـم سـالـف وهـالـيوم
وارجي السموحه عن خمال الكلامي

وصــلاةربــي عــــد مــاتـزمـي احـــزوم
واعــداد مــن صـلى الـفريضه وصـامي

واعــداد مـايـكتب مــن احـروف وارقـوم
عـلـي الـنـبي افـضل صـلاه وسـلامي

قصيده لها معنى تعبر عنه

عسى رفقة رفيقا ماثنت بغياب صاحبها=تحل بمن تسمى بإسمها حال خفايفها
تشل ايديه وعيونه يفتح مايشوف إبها=وتصم اسموع تسمع في قفى الغايب حذايفها
حشا ماحاذف المسلم نقي النفس غالبها=ياكود اللي من الثنتين وحده به وصايفها
خبيث النفس في عرفه يغمض عن عواقبها=يسوق إلها البشاير لاصدفت له في صدايفها
يثمنها غنيمه في عقل مرضان كاسبها=بلاذمه مشى يمه بنفسه مع هدايفها
حليف البوق ضواها علي غمرا محسبها=احساب إمناصر الاسود بدعوى انه إمضيفها
عدوالله سميه وان سكت بحجاب حاجبها=تسمى بإسم نور الكون وتنصف في نصايفها
غدرهامن غدر ذمه بسوق البور جالبها=ابووجهين منهاجه تقدابه ضعايفها
فديغاً لاادبكت معها سواء عنده مذاهبها=غرايب ملة الشيعه علي السنه يوصفها
مقلد حامي الشاوي بلا مبرر يزهبها=كبر شمس الضحى لو هو قليل العرف شايفها
اخذها من الوطا بيده وعلي راسه تشقلبها=يحسبه شارب الصافي ومشروبه عذايفها