مثل الذهب

اخواني و اخواتي في هذا المنتدى المحترم احب ان اشارككم بهذه القصيدة


محـفـوظ نصحــك يا قمــر يا فـتـيـه
و احط ما قلتي على العين و الراس

مثــل الذهــب قولك وصلني هـديــه
من الـشفـاه الحمـر ما هـو بقرطـاس

مسكين من شـافـك يــروّح ضحـيــه
ولا يجـي في خاطـره زود هـوجـاس

من صـار ضيفــك بالغــداري هـنيــه
يصفى ضميره حتى لو كـان منحـاس

من جـالسـك يرتــاح لـو لـه قضيـــه
يطرد بهـا الف محامين والف بـلاس

لــن الـمـلامـح منــك جــدن بـهـيـــه
تـجـيــب راحــه للـوقوفــي و جــلاس

حـليـل من صـارت حـظـوظـه رديــه
دايــم و هي متحـولـه نـحــو لـفـلاس

مــا فــاد لا ورده ولا مـزهـريـة
و اللي ذكرنـا باول القـاف من قــاس

و انـا من اللـي في القوافـي دلـيــه
تغرف من الما العذب واحيان غطاس

و صلـوا على محمـد شفيـع البريـه
اعـداد مـا وقـف على الحـيـد حــراس

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك اخي الحب الباق
واشكرك على تواجدك الدايم
على قصايد الشعراءمت

لؤلؤة جديدة ودرة مجيدة
زهرة شذا عطرها فواح من بستان الشاعر الراقي
الشاعر الرائع الاخ المحترم محمد العيسى
صح السانك مليون

صحت ابدانكم جميع ولاهنتم ولاعليكم زود
ولايفوتني ان انوه باتواجدالمستشارحسين
الدايم على كافت قصايدالشعراء فله مني
الشكروالتقدير والحترام وليست غريبه منه

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك اخي فهدولاهنت
شاكرومقدرمرورك الطيب