الجافــي فـــداك

السلام عليكم ورحمة الله
اسمحوا لي بهذه المجاراة للشاعر
خالد بن عبيد بن معتوق الاحمدي
لقصيدته (عافتك نفسي وقلبي مابغاك)

حي شاعـر ينضم القيفـان و الجافــي فـــداك
من قبـايـل حرب من ربعـي ولا هــو بالبعيــد

و اعـلـم انـه قــد بلانـي يا زميلــي ما بــلاك
لي صحيبـن يا رفيقي صار قلبـه من حـديـد

قـلتـلــه مـرات جـاوب يالحبيـّب من دعــاك
مير كل اسبـوع جايب لي كلامـن من جديـد

استمع منطوق شخصن من لسانه قد رجاك
ليت ون بيني وبينـك يـا صحيبـي لـو بريـد

تـسـمــع اندايـــه و انــا اسمـع فـي نــداك
ربما نصلــح وفـي ذا العــام باعيـــد بعيــد

و اشــكــرك يـــا رب عـالــن فــي سـمــاك
لادمــي لــه رادتـن و الله يفـعـل مـا يـريـد

يحفظ الله من تـوزآ يــا الـهـي في حـمـاك
خاتمــن قولــي بحــول الله باقوالـن تفيـد

...

صح السانك
انت مبدع حقيقة

اشكر ك اخي الفا ضل حسين
على طلتك الر ايعه على النص

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بد نك ونت كذالك
ابيض وجه اشكرتواجدك
الدايم على قصايد الشعراء
اخي الحب الباقي ودمت باخير

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك اخي فهدولاهنت
الشكرك على مرورك الطيب
واسف لتاخير الر د